Республика Казахстан, 010000, г. Астана, проспект Абая, 38, офис 308
Тел/факс: +7 /7172/ 21-04-54 E-mail: proin.kz@mail.ru interdepkz@gmail.com

  Аумақтық ұйымдар

"Қазақстандық салалық білім және ғылым қызметкерлері кәсіптік одағының Жамбыл облыстық ұйымы" ҚБ

Мекенжай: 080000, Тараз қ., Көшек батыра к., 3

Е-mail: profsouz_osps@mail.ru

Телефон: 8 (7262) 432672

Төрайым:
 Орынбаева Гүлсін Рахымжанқызы

Туған күні: 07.11.1956 ж.




Орынбаева ГҮлсІн РаҚымжанқызы

Жамбыл облыстық кәсіподақтар кеңесінің төрайымы,
Облыстық мәслихат депутаты

Гүлсін Рахымжанқызы Орынбаева 1956 жылы 7 қарашада Жамбыл облысының Жуалы ауданындағы Орақ-Балға ауылында туған. 1973 жылы С.Орджоникидзе атындағы орта мектепті аяқтап, сол   жылы Тамбов мемлекеттік педагогикалық институтына түсіп, оны 1978 жылы орыс тілі мен әдебиеті мамандығы бойынша сәтті тәмамдады.
Еңбек жолын 1978 жылы Жуалы ауданының Октябрь ауылындағы «Октябрьдің 50 жылдығы» атындағы мектепте сыныптан және мектептен тыс жұмыстарды ұйымдастырушы қызметінен бастады.
Сексенінші жылдардан бастап алғашқыда комсомол ұйымында, кейіннен кәсіподақ ұйымдарындағы сайланбалы лауазымдарды атқаруда.
Гүлсін Рақымжанқызы ежелгі қоғамдық ұйымның сан мыңдаған мүшелері сенім  жүгін артып, даусын берген кәсіподақ белсендісі.
Гүлсін Рақымжанқызы кеңестік кәсіподақтар қызметінің шырқау шегін де, тоқырау кезеңін де, тығырыққа тіреліп, жойылып кету қаупін де қатар өткерді.
Осы қызметке келгенде  ең басты  мақсат – кәсіподақ ұйымдарын жандандыру, кәсіподақ жұмысын нарықтың талаптарына бейімделген етіп түбегейлі  өзгерту, еңбек  адамына тиімді әрі нақты қорғауды қамтамасыз ету болған.
Кәсіподақтық жұмысты басқаруды дұрыс жолға қоя білу нәтижесінде  адамдардың кәсіподақ қатарынан жаппай шығуы тоқтады. Ресми мәліметтер бойынша 2003 жылы 70 мыңнан төмен құлдырап кеткен кәсіподақтық мүшелік база бүгінде 130 мыңнан асып отыр.
Гүлсін Рақымжанқызы өз жұмысында басты басымдықты кәсіподақтардың негізгі жарғылық міндеті – құқыққорғау қызметіне береді. Ол кәсіподақтық адвакатураны ұйымдастыруға мұрындық болып,  әлеуметтік-экономикалық және еңбек қатынастарын реттеудегі әлеуметтік  әріптестікті дамытуға күш салады.
Гүлсін Рақымжанқызының бастамасымен көркемөнерпаздардың шығармашылық кештері, спорттық сауықтыру іс-шалары, салалық спартакиадалар дәстүрі қайта жаңғырды.
Еңбекшілердің қоғамдық бірлестігінің өкілі ретінде, аймақта қоғамдық-саяси және әлеуметтік-экономикалық процесстерге атсалысу, оған  ықпал ету  үшін мемлекет заңдарымен берілген барлық құқықтар мен мүмкіндіктерді пайдалану қажеттігін ұғына білген кәсіподақ көшбасшысы Гүлсін Рахымжанқызы 2003, 2007, 2011 ж.ж. қатарынан үш шақырылымда  саналы түрде сайлауға қатысып, облыстық  мәслихат депутаттығының мандатына ие болды.
Кәсіподақ өкілі ретінде Г.Орынбаева жергілікті  өкілетті орган депутаты болу арқылы мемлекеттік атқарушы билікпен және жұмыс берушілермен тығыз әрі өзара  ұтымды қарым-қатынас пен байланыс жасауға қол жеткізді.
Депутат ретінде мемлекеттік биліктің жергілікті өкілетті органдарының  жұмысына қатысу кәсіподақтарға еңбекшілердің өзекті мәселелерін ретімен әрі дер кезінде шешуге, кәсіподақ мүшелерінің әлеуметтік-экономикалық және еңбек құқықтары мен кәсіби мүдделерін  мейлінше  тиімді қорғауға мол да ауқымды  мүмкіндік берді.
Бірлескен әрекеттердің мысалы ретінде еңбек қорғау мен қауіпсіздігі , білім, денсаулық сақтау  және мәдениет  салаларының жай-күйі, кәмелетке толмағандар құқықтарын қорғау  сынды сұрақтардың назарда болуын атап өтуге болады.
Облыстағы барлық деңгейдегі әкімдердің тұрғындар алындағы есеп берулерінде кәсіподақтар мен партия ұйымдары бірлесіп әлеуметтік топтамаға енетін сұрақтар мен мәселелерді, атап айтқанда, атаулы әлеуметтік  көмек, жұмыс бастылық, еңбек қауіпсіздігі мен қорғау, жастармен жұмыс проблемаларын  көтереді.
Г.Орынбаева Жуалы ауданы бойынша депутаттық мандатқа ие болған жылдары осы өлкедегі халықтың әлауқаты мен жағдайын жақсартуға бағытталған партиялық ұстанымдардың жүзеге асуына жан-жақты үлес қосты. Осы жылдары аталған өңірде әлеуметтік маңызы бар бірқатар  шаралар атқарылды. Атап айтқанда, 2007 жылы Боралдай, Қошқарата, Билікөл ауылдарындағы мектепке дейінгі білім мекемелерінің материалдық-техникалық жағдайын жақсартуға 13 млн.теңге, Көлтоған ауылындағы Бәйтіков атындағы мектептің спорт кешенінің төбесін қайта соғуға облыстық  резервтік қордан 10 млн теңге, Бақалы, Жаңа Теріс, Қызыл арық елді мекендерінде жаңа бала-бақша ашуға бюджет қаржысынан 25 миллион  теңге бөлінген болатын.
Талапты және Қайрат ауылдарында 2008 жылы жалпы құны 30 миллион теңге қаражат бөлініп, игерілді. Бұл шара 200 сәбиді бала-бақшамен, 50 жергілікті тұрғынды жұмыспен қамтуға септік етті.
Осы жылдар ішінде «Ауыз су» бағдарламасын жүзеге асыруға 100 миллион теңге қаржы бөлуге қол жетті. Жамбыл облыстық партия ұйымының белсенді қолдауымен Жуалы ауданының бірқатар елді мекендеріне газ құбырын тарту құрылысына 180 миллионнан астам теңге қаражат бағытталып, 8 елді мекен тұрғындары көгілдір отынның игілігін  пайдалануда. 
Жуалылықтар Жаңаталап елді мекеніндегі мектеп құрылысына 180 миллион  теңгенің бөлінуі, облыс шекарасы болып табылатын Қызтоған ауылындағы ұзындығы 10.5 километр жол құрылысын жүргізуге қаражат бағыттау қандай еңбекпен келгендігін жақсы біледі.
2012-2014 жылдарға арналған жергілікті бюджеттік инвестициялық жобалар тізбесіне сәйкес Жуалы ауданына облыстық бюджеттен:

-  Көктебе ауылында 100 орындық интернат құрылысын жүргізуге 183 млн 872 мың теңге;

-  Ақтөбе ауылында 150 орындық орта мектеп құрылысына 446 млн 383 мың теңге;

-  Жаңа өткел ауылындағы 50 орындық Матросов бастауыш мектебінің құрылысына  254 млн 673 мың теңге;

-  Қызыл арық елді мекеніндегі 150 орындық орта мектеп құрылысын жүргізуге;

-  Рысбек   батыр, Ақтасты, Алатау, Қосбөлтек, Жұрынбай, Дихан, Көлтоған ауылдарында медициналық пункттер құрылысына;

-  Нұрлыкент ауылында сумен қамту жүйесінің құрылысына;

-  Қазбастау, Алатау, Теріс-Ащыбұлақ, Сұрым, Қызыл арық, Ақтөбе, Күркүреусу, Марьяновка, Юсуповка, қарасу елді мекендерінде орташа қысымды газ құбырларының құрылысына қаражат бөлініп, олардың біразы жүзеге асып та үлгерді. 

Бүгінде Гүлсін Рахымжанқызы Қазақстан Республикасы кәсіподақтарының Федерациясының ең жоғары алқалы басқару органы болып саналатын Бас Кеңесінің мүшесі, Жамбыл облысы Тәртіптік Кеңесінің, Іскер әйелдердің облыстық қауымдастығының белсенді мүшесі,  «Нұр Отан» ХДП-ның облыс мәслихаттағы депутаттық фракция төрағасының орынбасары, «Жұмыспен қамту-2020» бағдарламасын іске асыру барысын сараптау жөніндегі аймақтық жұмысшы топ жетекшісінің орынбасары.
Аймақтағы белсенді әрі қажырлы еңбегі үшін Г.Орынбаева  «Ерен еңбегі үшін», «Қазақстан Республикасының Тәуелсіздігіне 10 жыл», «Қазақстан Республикасының Конституциясына 10 жыл», «Қазақстан Республикасының Парламентіне 10 жыл», «10 жыл Астана» мерекелік медальдарымен, «Қазақстан Республикасы Білім беру ісінің құрметті қызметкері» белгісімен,ҚР КФ «Кәсіподақтарға сіңірген еңбегі үшін» құрмет белгісімен, І дәрежелі «ЕҢБЕК ДАҢҚЫ», «Білім және ғылым қызметкелері кәсіподағына сіңірген еңбегі үшін» белгілерімен, Білім және ғылым қызметкерлері Кәсіподағы Орталық комитетінің, БЛКЖО ОК Құрмет грамоталарымен марапатталған. 2013ж. “Жуалы ауданының Құрметті азаматы” атағына ие болған.
Отбасылы, екі ұлы және немерелері бар.

 Марапаттар:

 1) “Қазақстан Республикасының тәуелсіздігіне 10 жыл” мерекелік медалі

ҚР Президентінің 4 ақпан 2002 жылғы  Жарлығы, куәлік  №12679;

2) “Қазақстан Республикасы Білім беру ісінің құрметті қызметкері” белгісі,

ҚР Білім және ғылым министрлігінің бұйрығы

(Вице министр К.Шәмшидинова қол қойған) 29 қазан 2002 ж., куәлік  №00511;

3) «Қазақстан Республикасының Конституциясына 10 жыл» мерекелік медалі

ҚР Президентінің 25 тамыз 2005  жылғы  Жарлығы, куәлік  №001987;

4) «Қазақстан Республикасының Парламентіне 10 жыл» мерекелік медалі

ҚР Президентінің 17 қаңтар 2006  жылғы  Жарлығы, куәлік  №00304;

5)“10 жыл Астана” медалі

ҚР Президентінің 2007 ж. Жарлығы, куәлік  №19031;

6) Қазақстан Республикасы Кәсіподақтар Федерациясының «Кәсіподақтарға сіңірген еңбегі үшін» құрмет белгісімен, 8 қараша 2006 жыл, куәлік №362

7) Қазақстан Республикасы ауылшаруашылығы және қайта өңдеу ұйымдары қызметкерлері кәсіподақтар одағы” заңды тұлғалар бірлестігінің І дәрежелі “ЕҢБЕК ДАҢҚЫ” белгісі,  Орталық салалық комитеттің 17 қазан 2008 жылғы №16 қаулысымен берілген, куәлік  №0477

8) ҚР Білім және ғылым қызметкерлері Кәсіподағының «Білім және ғылым қызметкелері кәсіподағына  сіңірген еңбегі үшін» белгісі,  мамыр 2010 ж. куәлік №250;

9) Серебряный знак «20 лет ВКП» , Постановление  ВКП от 11.04.2012г.;

10) ҚР «Ерен еңбегі үшін» медалі, ҚР Президенті Н.Назарбаевтың 2011 ж. 5 желтоқсандағы Жарлығы, куәлік №6563;

11) «Жамбыл облысы Жуалы ауданының Құрметті азаматы» атағы, 2013 жыл, №110 куәлік;

12) Қазақстан Республикасы Кәсіподақтар Федерациясының «Еңбек ардагері» медалі, 25 қыркүйек 2014 жылғы №6 қ 15 жарғысы;

13) ҚР Білім және ғылым қызметкерлері Кәсіподағының «Сала қызметкерлерінің кәсіподағына  сіңірген айрықша еңбегі үшін» белгісі,  мамыр 2014 ж.9 қазан, куәлік №581;

Білім және ғылым қызметкерлері Кәсіподағы Орталық комитетінің,
БЛКЖО ОК Құрмет грамоталарымен марапатталған.


 
  Пайдалы сілтемелер