+7 (7172) 21 04 54 
proin.kz@mail.ru 
Аумақтық ұйымдардың жаңалықтары
Май ауданының білім беру ұйымдарында 2021-2023 жылдарға арналған ұжымдық келісім-шарт жасау жұмысы басталды
6 қаңтар 2021
Құжат ұйымдағы еңбек, әлеуметтік-экономикалық қатынастарын реттейтін маңызды құқықтық актілердің бірі, мұнда тараптардың әрқайсысы екінші тарап өкілдерінің өкілеттіктерін біледі және таниды, белгілі бір міндеттемелер алады. Бұл үдерісте басты міндет - барлық өкілеттіктер шеңберін дұрыс басқару және ұжымдық шартта кепілдендірілген қызметкерлердің де, жұмыс берушілердің де құқықтары мен мүдделерінің толық қорғалуын қамтамасыз ету.
2021 жылы 5 қаңтарда мемлекеттік еңбекті қорғау инспекторы М.Т.Байсаловтың қатысуымен «Білім беру ұйымдарында ұжымдық шарттар жасау процесі» тақырыбында кәсіподақ ұйымдарының төрағаларына арналған онлайн-оқыту семинары өткізілді. Онда жұмыс берушілермен келіссөздер жүргізу тәртібі талқыланды, Қазақстан Республикасының Еңбек кодексіне, «Педагог мәртебесі туралы» Қазақстан Республикасының Заңына енгізілген жаңа нормаларға сәйкес жұмысшыларды құқықтық және әлеуметтік қорғаудың нысандары мен әдістерін қолдану бойынша көптеген өзекті сұрақтарға жауаптар берілді және ұжымдық шарттар жасасу кезінде кездесетін басқа да мәселелер туралы айтылды.
Бүгінгі таңда кәсіподақ ұйымның қызмет тиімділігінің бірінші көрсеткіші ұжымдық шарт жасау технологиясын білу және тәжірибеде алған білімдерін ұжымның мүдделеріне қолдана білу маңызды болып табылады.
Е.К.Кирякина, Май аудандық білім қызметкерлері
кәсіподағының төрайымы, Павлодар облысы
