Новости территориальных организаций

«Қазақстандық салалық білім және ғылым қызметкерлері кәсіптік одағының Ақтөбе облыстық ұйымы»-ның 2019 жылға арналған білім беру ұйымдарында еңбек қауіпсіздігі және еңбек заңнамасының сақталуына  қоғамдық бақылау жоспарына сәйкес Әйтеке би ауданында   17-18-і күндері облыстық кәсіподақ ұйымының бас маманы, заңгер А.Л.Алимпиев және еңбекті қорғау жөніндегі маман Н.Ы.Жетпісбайұлы  Комсомол, Талдысай, Жамбыл ЖОББ мектептерінде және Аққайын, Балдәурен бала бақшаларында қоғамдық бақылау жүргізді.Қоғамдық бақылау кезінде Үшжақты келісім еліміздің Еңбек кодексіне, өзге де заңнамалық және нормативтік құқықтық актілерге  сәйкес  білім беру ұйымдары қызметкерлерінің  әлеуметтік-еңбек құқықтары мен кәсіби мүдделерін қорғау, қызметкерлер үшін қосымша әлеуметтік-экономикалық , құқықтық және кәсіби кепілдіктер, жеңілдіктер мен артықшылықтар қамтамасыз ету мақсатында заңдармен, өзге де нормативтік құқықтық актілермен, Әлеуметтік  әріптестік туралы Бас келісіммен,салалық және аймақтық келісімдермен белгіленгеннен де оңтайлы еңбек жағдайларын жасау туралы түсіндірме жұмыстары  жүргізді. Қоғамдық бақылаудың екінші күні Жамбыл ЖОББ мектебінде «Ұйымдардағы  еңбек қауіпсіздігі  мен еңбекті қорғау  жөніндегі өндірістік кеңес  және техникалық инспекторлардың қызметін жетілдіру» тақырыбында семинар өткізілді.

«Қазақстандық салалық білім және ғылым қызметкерлері
кәсіптік одағының Ақтөбе облыстық ұйымы» ҚБ