+7 (7172) 21 04 54 
proin.kz@mail.ru 
Новости территориальных организаций
РЕФЕРЕНДУМДЫ ҚОЛДАУ ШАРАЛАРЫ ТАЛҚЫЛАНДЫ
24 мая 2022
Таяуда Жарма ауданының Шар қаласындағы «Абай атындағы мектеп- балабақша кешені» коммуналдық мемлекеттік мекемесінде Қазақстандық салалық білім және ғылым қызметкерлерінің Семей аумақтық ұйымы кәсіподағының төрағасы Сәбит Ибраевтың қатысуымен мектептің кәсіподағы активімен Қазақстан Республикасы Конституциясына өзгерістер мен толықтырулар енгізу бойынша референдумды қолдау мақсатында жиын өткізілді. Отырыста республикалық референдум мақсаты мен алдағы заңнамалық өзгерістерді түсіндіру іс-шаралары талқыланды.
Семей аумақтық кәсіподағы ұйымының төрағасы С.Ибраев кәсіподақтар үшін аталған заңнамалық өзгерістердің маңыздылығын атап өтіп, Конституцияға енгізілетін өзгерістер мен толықтырулардың мазмұнымен таныстырды. Конституцияның 33 бабына түзетулер енгізу көзделіп отырғаны аталды. Жер және оның қойнауы, су көздері,өсімдіктер мен жануарлар дүниесі, басқа да табиғи ресурстар халыққа тиесілі болатыны айтылды. Бұл әлеуметтік әділеттілік қағидасына негізделген қоғамдық- саяси маңызы бар қадам. Сонымен қатар, Конституциялық реформаның нәтижесінде биліктің заң шығарушы тармағы елеулі өзгеріске ұшырамақ. Мәселен,Президент өкілеттілігі қысқарып, Парламенттің және оның палаталарының рөлі едәуір күшейіп, мәртебесі артады.
Жиында сөз алған мектептің бастауыш кәсіподағы ұйымының төрайымы Қ.Амренова ұсынылған толықтырулар әрбір азаматтың негізгі құқықтары мен кепілдіктерін, қоғамдағы тұрақтылық пен бірлікті сақтауға бағытталғанын нақты түсіндіріп өтті.
Мектептің іс жүргізушісі Ж.Әубәкірова Конституциялық реформа азаматтардың елді басқару ісіне қатысу мүмкіндігін арттырады деген пікірімен бөлісті.
Мектеп директорының тәрбие жұмыстары бойынша орынбасары М. Бейсенбаева жоғарыдағы айтылған насихаттарды толықтыра келе, әр мектеп ұжымының мүшелері өздерінің азаматтық ұстанымдарын таныту арқылы референдумның маңыздылығын ұғына отырып, саяси науқанға белсене қатысатынына сенім білдірді.
Жарма ауданы білім және ғылым
қызметкерлері кәсіподақ комитеті.
ШҚО.
