Ардагер ұстаздармен кездесу
3 тамыз күні Астана қаласы Кәсіподақтар үйінің мәжіліс залында Қазақстандық салалық білім және ғылым қызметкерлері кәсіподағы Талдықорған аумақтық ұйымының қолдауымен келген Алматы облысы Талдықорған өңірінің 36 ардагер ұстаздармен кездесу өткізілді.
Бұл орайда Талдықорған аумақтық салалық кәсіподақ ұйымы мүшелерінің жазғы демалыстарын ұйымдастыру мақсатында білім саласында қажырлы еңбек еткен, шалғай ауылдан келген ұстаз ардагерлер мен кәсіподақ белсенділері «ЭКСПО – 2017» халықаралық көрмені тамашалауға келгендіктерін арнайы атап өтсек.
Кездесу барысында салалық кәсіподақтың өңірлік бөлімшелерінің құрылымдық ерекшеліктері, өңірлік салалық кәсіподақ қозғалысының соңғы жаңалықтары, білім беру саласындағы реформаларға қатысты пікір алмасу, салалық кәсіподақ қызметіндегі құқықтық қызметтің жандану бағыты сынды мәселелер кеңінен талқыланды.
Ардагер ұстаздардың тарапынан Талдықорған аумақтық салалық кәсіподақ ұйымына деген алғыстар айтылып, алдағы жұмыстарға толағай нәтиже тіледі.
-
Фотографии
-
