Новости

Жақында «Абай аудандық комитеті» филиалының есеп беру-сайлау конференциясы өтті. Конференцияға Абай облысының оқу-ағарту, ғылым және жоғары білім қызметкерлерінің кәсіподақ ұйымының ұйымдастыру жұмысының жетекші маманы Воказе Ұлжан Ернарқызы, Абай аудандық білім бөлімінің басшысы Ысқақова Бакизат Нұрмұхаметқызы, кәсіподақ ардагері Балтабек Болатбек Қысатайұлы, мектеп директорлары және кәсіподақ белсенділері қатысты.

«Абай аудандық комитеті» филиалының төрағасы Жарылғапов Мақсат Төлепбекұлы 2019-2023 жылдардағы кәсіподақ жұмысына есеп беріп, баяндама жасады. Есеп беру кезінде кәсіподақ мүшелерінің әлеуметтік-экономикалық және еңбек құқықтары мен бостандықтарын қорғау бойынша кәсіподақ жұмысына кеңінен тоқталды. Сонымен қатар, «Абай аудандық комитеті» филиалының қызметінің негізгі бағыттары туралы айтты.

Бақылау-тексеру комиссиясының төрағасы Смагулова Гульмира Какимовна бақылау-тексеру комиссиясының жұмысы туралы есеп берді. «Абай аудандық комитеті» филиалы төрағасының және бақылау-тексеру комиссиясының есептерін талқылауда әлеуметтік серіктестіктер-мектеп директорлары, бастауыш кәсіподақ ұйымдарының төрағалары, кәсіподақ қозғалысының ардагерлері қатысты. Конференция делегаттары «Абай аудандық комитеті» филиалының жұмысына қанағаттанарлық деп баға берді. Сондай-ақ, бақылау-тексеру комиссиясының есебін бекітті.

Есеп беру-сайлау конференциясында «Абай аудандық комитеті» филиалының төрағасы болып Жарылғапов Мақсат Төлепбекұлы сайланды. Абай облысының оқу-ағарту, ғылым және жоғары білім қызметкерлерінің кәсіподақ ұйымының ұйымдастыру жұмысының жетекші маманы Воказе Ұлжан Ернарқызы өз сөзінде қәзіргі қоғамдағы кәсіподақтың алдында тұрған негізгі мақсаттары мен міндеттеріне кеңінен тоқталып, облыстық кәсіподақ ұйымының қызметі туралы айтты.

Конференция соңында үздік кәсіподақ белсенділері мен әлеуметтік әріптестер «Еңбек ардагері» медалі мен Қазақстан оқу-ағарту,ғылым және жоғары білім қызметкерлері кәсіподақ ұйымының «Білім және ғылым қызметкерлерінің кәсіподағына сіңірген еңбегі үшін», Абай облысының оқу-ағарту,ғылым және жоғары білім қызметкерлері кәсіподақ ұйымының «Белсенді әлеуметтік әріптес» төсбелгілері, Салалық және облыстық кәсіподақтардың Құрмет грамоталарымен марапатталды.

Абай облыстық ұйымы