Стартовал республиканский конкурс «Лучший педагог физической культуры – 2024»
Бүгін Щучинск қаласында «Балдәурен» республикалық оқу-сауықтыру орталығының базасында «Үздік дене шынықтыру педагогі – 2024» республикалық байқауы басталды.
Байқауды Салалық кәсіподақ, ҚР Оқу-ағарту министрлігінің “Ұлттық ғылыми-практикалық орталығы” және «Балдәурен» республикалық оқу-сауықтыру орталығының бірлесіп ұйымдастыруда.
Байқаудың ашылу салтанатына «Балдәурен» РОСО РМҚК Бас директоры Ш.Оразалин, ҚР Оқу-ағарту министрлігінің “Ұлттық ғылыми-практикалық орталығы” РМҚК бас директоры А.Ташметов, ҚР Оқу-ағарту министрлігінің бас сарапшысы Д.Маратұлы қатысып, қатысушыларды республикалық байқаудың ашылуымен құттықтап, сәттілік тіледі.
Ашылу салтанатынан кейін қатысушылар бірінші кезең бойынша бақтарын сынады.
Жалпы байқау үш кезең бойынша өткізіледі:
I тур – «Креативті педагог»;
II тур – «Қазіргі заманғы дене шынықтыру сабағы»;
III тур – «Үздік спорттық-бұқаралық іс-шара».
Байқауға еліміздің әр өңірінен дене шынықтыру пәнінің мұғалімдері қатысуда.
Байқаудың мақсаты – дене шынықтыру педагогтерінің шығармашылық бастамасын қолдау, кәсіби өсуге жәрдемдесу, осы мамандық бойынша педагогтердің еңбегінің беделін арттыру.
Байқаудың жүлде қоры 1,5 млн теңге. Сондай-ақ, арнайы номинациял иегерлеріне 100 мың теңгелік ақшалай сертификаттар табысталады.
Қатысушыларға сәттілік тілейміз!
-
Фотографии
-
