Новости

19-22 қараша аралығында Щучинск қаласы «Балдәурен» республикалық оқу-сауықтыру орталығында «Үздік дене шынықтыру педагогі – 2024» республикалық байқауы өтті.

Байқаудың мақсаты – дене шынықтыру педагогтерінің шығармашылық бастамасын қолдау, кәсіби өсуге жәрдемдесу, осы мамандық бойынша педагогтердің еңбегінің беделін арттыру.

Байқауға еліміздің әр өңірінен 19 үздік дене шынықтыру пәнінің мұғалімдері қатысты.

Байқауды ҚР Оқу-ағарту министрлігі, Қазақстандық оқу-ағарту, ғылым және жоғары білім қызметкерлерінің салалық кәсіподағы және Ұлттық ғылыми-практикалық дене тәрбиесі орталығы бірлесіп ұйымдастырды.

Байқаудың апелляциялық комиссия құрамында Салалық кәсіподақтың бас маманы Асан Бітімбай болды.

Республикалық байқау 3 кезең бойынша өтті:

1-кезең — «Креативті педагог».

2-кезең — «Заманауи дене шынықтыру сабағы».

3-кезең — «Үздік спорттық-бұқаралық іс-шара».

Байқаудың қорытындысы бойынша Марат Жиенбаев (Ақтөбе облысы) гран-при иегері атанды.

I орынды Оразбек Атамбаев (Шымкент қ.)

II орынды Аслан Жусупов (Астана қ.)

III орынды Анастасия Процак (Ақмола обл.) иеленді.

Арнайы номинация иелері:

«Креативті педагог» — Ержан Кдырменов (Қостанай обл.);

«Заманауи дене шынықтыру сабағы» — Альбина Супрун (Алматы қ.);

«Үздік спорттық-бұқаралық іс-шара» — Қайрат Жетпісов (Павлодар обл.);

«Үздік спорттық-бұқаралық іс-шара» — Азат Мейірханұлы (Түркістан обл.);

«Көрермендер көзайымы» — Елдос Қайырбеков (ШҚО).

Байқау жеңімпаздары мен арнайы номинация иегерлерін марапаттау үшін Салалық кәсіподақ демеушілік жасады.