КӘСІПОДАҚТЫҢ ҰЙЫМДАСТЫРУЫМЕН МЕКТЕПАРАЛЫҚ СПОРТТЫҚ ЖАРЫС ӨТТІ
Ағымдағы жылдың 30 қазан күні Батыс Қазақстан облыстық есту қабілеті бұзылған балаларға арналған арнайы мектеп-интернаты бастауыш кәсіподақ ұйымының (төрайымы Айзада Кизагалиева) ұйымдастыруымен мектептің 85 жылдығына арналған волейбол мен үстел теннисінен мектепаралық спорттық жарыс өткізілді.
Шараға облысымыздың қосымша білім беру мекемелерінен 5 құрама команда қатысты.Өзара татулық пен бірлікті дәріптеген спорттық шарада әр мектеп өз ұжымының намысын қорғады. Жарыс өте қызықты өтті және сайыс соңында жеңімпаз командаларға заттай сыйлықтар мен дипломдар табыс етілді.
-
Фотографии
-
