БАСТАУЫШ СЫНЫП МҰҒАЛІМДЕРІНЕ ҚҰРМЕТ
Ұлағатты ұстаздарға қандай құрмет көрсетсек те артық етпес. Оқу мен тынымсыз еңбектің нәтижесінде әрбір баланың үлкен өмірге барар қанатын қатайтып, жігерін шыңдайтын ұстаздың рөлі қашанда зор.
2022-2023 оқу жылында шәкірттері «Алтын белгі» иегері атанған бастауыш сынып мұғалімдері Облыстық кәсіподақ комитетінің қолдауымен биыл да Түркістан облысындағы айналасын тау, орман қоршаған өте көрiктi жерде орналасқан «Біркөлік» шипажайында демалды.
Облыс бойынша 340 үздіктерді тәрбиелеген ұстаздар жолдамалары бойынша 3 ауысымға бөлініп, 5 күннен ем-шараларын алды.
Құрметті ұстаздар! Ертеңгі елдің тірегі мен келешектің келісті келбеті бола білетін, бәсекеге төтеп беретін білімді ұрпақты тәрбиелеу жолындағы өлшеусіз еңбектеріңіз үшін алғысымызды білдіреміз!
-
Фотографии
-
