«ЖАҢАРУ ЖОЛЫНДАҒЫ ЖАРТЫ ҒАСЫР»
Н.Бекбосынов атындағы Маңғыстау энергетикалық колледжінің 50 жылдық мерейтойына және даңқты энергетик, мұнайшы, мемлекет және қоғам қайраткері, Қазақстан Мұнай өнеркәсібінің Үздігі Нұрлыхан Бекбосыновтың музейінің ашылу құрметіне арналған «MEС FORUM: ЖЕҢІСТЕН ЖЕТІСТІККЕ» атты форумның І бағытында «Жаңару жолындағы жарты ғасыр» атты салтанатты мерекелік шара өтті. Мақсаты: өңірдегі энергетика саласы бойынша маман дайындайтын бірден-бір оқу ордасының 50 жылдық мерейтойын атап өту және білім беру ұйымының тарихы туралы сыр шертіліп, колледжге есімі берілген тұлғаның көркем келбетін ашып, таным көкжиегін кеңейту.
Колледж тарихын бейнелеген жазбамен ашылған салтанатты жиынды жас мамандар мен студенттер МЭК әнұранын хормен жалғастырды.
Мерекелік шарада Маңғыстау облысының әкімі Н.Ноғаев құттықтап, колледждің тәжірибелі оқытушыларына Қазақстан Республикасы Оқу-ағарту министрлігінің «Еңбек ардагері» медалін және Алғыс хаттарын табыстады.
Мемлекет және қоғам қайраткері, «Мұнайгаз кешені ардагерлері» республикалық қоғамдық бірлестігі кеңесінің мүшесі Алшымбаев Зейнолла Өтежанұлы, Франция мемлекеті Париж академиясының (Париж білім министрлігі) кәсіптік білім бойынша аға инспекторы (министрі) Реда Фара мырза құттықтау лебізін арнаса, колледж басшысы Жұмағали Айнагүл Көшкінбайқызы оқу орнының елу жылдығына арналған төсбелгілерді ардагер ұстаздарға табыстады және Маңғыстау облыстық кәсіподақ ұйымының төрағасы Баймбетова Тарбия Анайбекқызы кәсіподақ ұйымының «Құрмет грамотасы» және «Алғыс хаттарымен» марапаттап, шипажайға 2 жолдама берді.
Салтанатты жиында колледж студенттерімен қатар, «Жорға» би ансамблі, Қазақстанның еңбек сіңірген қайраткері, «Дарын» мемлекеттік сыйлығының иегері, Қазақ ұлттық өнер университетінің профессоры, Қазақстан Республикасы мәдениет саласындағы президент сыйлығының иегері Айгүл Қосанова ән мен жырдан шашуын арнап, мерейтойдың мәртебесін көтерді.
Форумның ІІ бағыты «Тарих. Тұлға. Таным» атауымен эксперттік панель форматында өтті. Панельдік пікір алмасуға қатысушылар: Республикалық ардагерлер қауымдастығының мүшелері, қоғам қайраткерлері, Маңғыстау облысының білім басқармасы, әлеуметтік серіктестіктер, мекеме басшылары, колледждің ардагер ұстаздары, педагогтері, түлектері, білім алушылары және Н.Бекбосыновтың отбасы, замандастары, әріптестері.
Модераторы Маңғыстау облысы білім басқармасының басшысы Жұмашева Динара Нағимоллақызы тақырыптың атауы мен мақсатын хабарлады.
Эксперттік панелдің кіріспе бөлімінде Маңғыстау облысы білім басқармасының қолдауымен осы форум аясында техникалық және кәсіптік білім беру саласын Халықаралық ынтымақтастық аясын кеңейту және жүзеге асыру мақсатында, халықаралық институтционалды және мамандандырылған аккредиттеуден өту туралы Франция мемлекеті Париж академиясының (Париж білім министрлігі) кәсіптік білім бойынша аға инспекторы (министрі) Реда Фара мырза мен Нұрлыхан Бекбосынов атындағы Маңғыстау энергетикалық колледжінің басшысы Жұмағали Айнагүл Көшкінбайқызы екі жақты Келісімге отырды. Сонымен қатар, аакадемиялық ұтқырлық аясында Маңғыстау облысы білім басқармасының қолдауымен Нұрлыхан Бекбосынов атындағы Маңғыстау энергетикалық колледжі және Франция Республикасы Париж академиясының (Париж білім министрлігі) қолдауымен Raspail энергетикалық мамандардың жоғарғы мектебімен және техникалық кәсіби маман дайындайтын Марселя де Пре (High school Marcel Deprez) лицейімен әлеуметтік серіктестік туралы халықаралық меморандумға қол қойды.
Эксперттік панелдің негізгі бөлімінде ғалым, мемлекет және қоғам қайраткері. Қазақстан Республикасы Ұлттық ғылым Академиясының құрметті академигі, тарих ғылымдарының докторы, профессор Озғанбаев Өмірзақ Озғанбайұлы пен Н.Марабаев атындағы «Мұнайшы» қоғамдық қорының атқарушы директоры Исаев Рахман Жексенбайұлының бейне құттықтауы тыңдалып, спикерлер мемлекет және қоғам қайраткері, «Мұнайгаз кешені ардагерлері» республикалық қоғамдық бірлестігі кеңесінің мүшесі Алшымбаев Зейнолла Өтежанұлы, мемлекет және қоғам қайраткері Кешубаев Галиаусат Кайырбекұлы, мұнайшы, еңбек ардагерлері, Имамбаев Нурлыбек Сейджанұлы, Қырымқұлов Сағын Ерқасұлы, «Қарашығанақ Петролиум Оперейтинг» компаниясының жергілікті дамыту секторының жетекшісі Бекбосынов Нұрсұлтан Нұрлыханұлы, Н.Марабаев атындағы Мұнайшы қоғамдық қорының Маңғыстау филиалының үйлестірушісі, Қазақстанға еңбегі сіңірген геолог Утесинов Аманжан Нұрғалиұлы тақырып аясында пікірлерін ортаға салды.
Шара келешегіміз жас буынға, аға буынның ұсынары, берері мол өнегелі өмір мен абыройлы қызметті өрнектеді. Нәсіпқали Марабаев атындағы Мұнайшы қоғамдық қорының атынан колледждің үздік студенттеріне тағылымы зор «Құт мұнайдың қара нары» кітабы берілді.
Эксперттік панелдің миссиясын, яғни өңірдің тұрақты дамуы үшін орта буынды мамандарды оқыту, әріптестікті іске асыру қадамдары және тұлғаның танымдық келбеті мен шынайы іс-әрекеттері туралы құнды ақпараттар спикерлер тарапынан ұсынылды. Құндылықтарына жан-жақты талдау жасалып, тұжырымдалды.
«Қазақстандық оқу-ағарту, ғылым және жоғары білім қызметкерлерінің салалық кәсіптік одағының Маңғыстау облыстық ұйымы» ҚБ
-
Фотографии
-
