ТӘЖІРИБЕЛІ ТӘЛІМГЕР
Бүгінгі мақаламыздың кейіпкері, ұстаздар көшінің шоқтығын биік еткен тұлғалардың бірі – Ақтау қаласындағы №26 «Қарлығаш» бөбекжайының директоры Қабдрахманова Мереке Меңдібайқызы. Ол алғаш педагогикалық еңбек жолын 1993 жылы Қарақия ауданы, Ералиев селосындағы №14 балабақшасында тәрбиеші қызметінен бастаған. 2004 жылы №32 бастауыш мектебінде директор қызметін атқарды.
Қазіргі таңда N26 «Қарлығаш» бөбекжайының директоры. Еңбек өтілі 30 жыл.
Мереке Меңдібайқызы қаладағы мектепке дейінгі балаларды тәрбиелеу мен оқыту саласын дамытуға аянбай еңбек етіп келеді. Өз ісін жетік білетін, тәжірибелі маман иесінің бөбекжайды басқарудағы алдына қойған мақсаты – оқу мен тәрбие үдерісіне озық тәжірибелер мен технологияларды барынша кеңінен енгізу, балалар мен педагогтардың ғылыми шығармашылықпен айналысуына қолайлы жағдай туғызу. Білікті басшының бұл мақсаты жемісті болды.Мереке Меңдібайқызы өзінің еңбек жолында келесідей жұмыс нәтижелерін иеленді:
Маңғыстау облысының білім басқармасының Құрмет грамотасымен,сондай-ақ Қазақстандық салалық білім және ғылым қызметкерлері кәсіптік одағының Маңғыстау облыстық ұйымы ҚБ Құрмет грамотасымен марапатталды.
Өз әріптестерімен соңғы педагогикалық-ғылыми жаңалықтармен уақытын аямай бөлісунағыз ұстаздың еншісінде. Осы қасиеті оны жастардың тәжірибелі тәлімгері, дана ұстазы, сенімді досы және ақылды әріптесі ретінде танытады.
Ерен еңбек иесі Қабдрахманова Мереке Меңдібайқызы – нағыз педагогика саласының майталманы десе де жарасады. Ұжымда аса құрметке ие басшы. Жұмыс барысындағы адамгершілігі, қызметкерлермен бірлесе жұмыс істеуі жоғарғы дәрежеде. Өмірлік тәжірибесі, тәлім-тағылымы көпке үлгі басшы ұстаздың ұрпақтар жүрегінде қалдырар ізі мәңгілік.
К.Айтбаева,
Ақтау қаласы, «№26 «Қарлығаш» бөбекжайы МКҚК» әдіскері.
