КӘСІПОДАҚ КӨШБАСШЫСЫ
Кәсіподақ төрағасы немесе кәсіподақ көшбасшысы – ұйымдастырушылық қабілеті бойынша кәсіподақ жұмысын жүзеге асыратын және оны күн сайын жұмыс орнында атқаратын адам.
Жұрқабаев Мүслім Хасенұлы - Шығыс Қазақстан облысы Ұлан ауданы «Бозанбай орта мектебі» КММ алғашқы әскери дайындық және дене шынықтыру пәндерінің мұғалімі, әдістемелік бірлестігінің жетекшісі, 2018 жылдан бастап кәсіподақ төрағасы.
Ол табанды еңбек пен тынымсыз ізденісінің, қажырлы қайраты мен білім-білігінің арқасында жұмыс істеген жылдары бірнеше рет аудандық, облыстық кәсіподақ ұйымдарының Құрмет грамотасымен, Алғыс хаттарымен, сонымен қатар облыстық білім басқармасының Грамоталарымен марапатталған. 2023 жылы «Ұздік кәсіподақ бұрышы» атты сайыста Бозанбай мектебінің бастауыш кәсіподақ ұйымы бірінші орынға ие болды.
Әріптестерінің ортасында сыйлы, жолдастарына адал, қоғамдық жұмыстарға белсене араласып, туындаған мәселелерді дер кезінде шешуге ат салысады, түзу жолмен жүретін өзіндік орны бар тұлға.
Ұлы Жеңіс күніне және екі мәрте Кеңес Одағының батыры Талғат Бигелдиновтің 100 жылдығына арналған ер мұғалімдер және оқушылар арасында пневматикалық мылтықпен оқ атудан жарыста Муслим Хасенұлы екінші орынды иеленді. «Айбын» әскери-патриоттық клубының жетекшісі, аталған үйірменің мүшелері әскери патриоттық турнирлердің, әскери-қолданбалы спорттық ойындардың аудан, облыс көлемінде айшықталып келеді. Бозанбай орта мектебінің әлеуметтік желілердегі парақшаларын ұйымдастырып, жүргізіп келеді.
Кәсіподақ ұйымының қарапайым еңбек адамына түсер қиындықты жеңілдетуде, еңбек заңдылықтарының сақталуын бақылауда, кәсіподақ мүшелеріне материалдық-моральдық қолдау көрсетуде кәсіподақтың атқаратын еңбегі ерен. Осы орайда Мүслім Хасенұлы кәсіподақ қозғалысын дамыту жұмыстарына белсенді қатысуға жастарды үнемі баулып отырады. Мектептегі өтетін шаралар кәсіподақ назарынан тыс қалған емес. Сондықтан ұжымда жалпы көңіл-күйді ұстайтын, эмоционалды атмосфераны құратын, өзара сыйластық жасайтын ол кәсіподақ ұйымының болуы мен кәсіподақ көшбасшысының қалай оны ұйымдастыра білетінің үлкен мәні бар.
