ҰСТАЗДЫ МАРАПАТТАУ
Шығыс Қазақстан облысы Риддер қаласының әкімі Даулет Батырбаев «Еңбек ардагері» медалін Раиса Ивановна Тохтароваға табыстады.
Тохтарова Раиса Ивановна Қарағанды қаласында көп балалы отбасында дүниеге келген. 1977 жылы Қарағанды мемлекеттік университетінің тарих мамандығы бойынша бітіреді. Университеттен кейін Лениногор қаласының Ю.Гагарин атындағы сегізжылдық мектеп-интернатына тарих пәні мұғалімі болып орналасады. 1982-2004 жылдары аға тәрбиеші, директордың тәрбие жөніндегі орынбасары болып жұмыс атқарады.Раиса Ивановна ұзақ жылдар бойы өзін жоғары кәсіби, білімді, әдістемелік сауатты және бастамашыл маман ретінде көрсете білді. Кәсібилігі, жас ұрпақты тәрбиелеуге қосқан зор үлесі, жастарға берілген баға жетпес тәжірибесі үшін қалалық білім бөлімінің, қала әкімдігінің, облыстық білім басқармасының, Қазақстан Республикасы білім және ғылым министрінің грамоталарымен марапатталған. Қазіргі таңда әдіскер және өскелең ұрпақ үшін тәлімгер болып жұмыс атқарып келеді.
Әріптестер Раиса Ивановнаның жоғары кәсібилігі, білім беру саласындағы көпжылдық және мінсіз жұмысы бағаланғанын мақтан тұтады. Құттықтаймыз!
-
Фотографии
-
