БАСТАУЫШ ТӨРАҒАЛАРЫМЕН КЕЗДЕСУ
Шығыс Қазақстан облысы білім беру қызметкерлерінің «Ақжар» Тарбағатай аудандық кәсіподағы бастауыш кәсіподақ ұйымдары төрағаларымен кезекті отырысын өткізді.
Аталмыш отырыста аудандық кәсіподақ ұйымының өткен жылғы жұмысы сараланып, сонымен қатар биылғы жылғы жұмыс жоспар ортаға салынып таныстырылды. «Асусай мектеп-балабақша кешеніні» КММ бастауыш кәсіподақ төрағасы А.Қызырбекова өткен жылғы атқарған жұмысы туралы баяндама жасады.
Шара барысында 2023 жылды қорытындай келгенде «Гендерлік зорлық-зомбылыққа қарсы 16 күндік белсенділік» акциясында белсене қатысқан А.Қызырбекова «Асусай мектеп -балабақша кешені» КММ, Л.Нұрханова «Жетіарал мектеп -балабақша кешені» КММ, А.Ақанова«Абай атындағы орта мектебі» КММ бастауыш кәсіподақ ұйымдарының төрағаларына сый-сияпат көрсетілді. Мектеп өміріндегі кәсіподақ жұмысын белсенді насихаттап жүрген «Жаңаталап орта мектебі» КММ бастауыш кәсіподақ төрағасы М.Мутихановаға алғыс білдірілді.
Соңынан «Шығыс Қазақстан облысы білім және ғылым қызметкерлерінің жергілікті кәсіподағы» ҚБ Атқару комитетінің қаулысымен бекітілген бастауыш «Кәсіподақ төрағасы»атты белгішелері бастауыш кәсіподақ ұйымы төрағаларына табысталды.
-
Фотографии
-
