АҚТӨБЕДЕ ҰСТАЗДАР ҰЛЫҚТАЛДЫ
Ақтөбе облысының аудандарында аудандық білім беру қызметкерлерінің кәсіподақ ұйымының қолдауымен жалпы білім беретін пәндер бойынша республикалық олимпиаданың облыстық, аудандық кезеңінің жеңімпаздары мен ұстаздары марапатталды.
Республикалық олимпиаданың облыстық кезеңіне оқушылар дайындап, білім сапасын арттыруға қосқан үлесі үшін оқушылардың бірқатар жетекшілері марапатқа ие болды.
Марапаттау шарасына аудан әкімшілігі мен аудандық білім бөлімінің басшылары, аудандық білім беру қызметкерлерінің кәсіподақ ұйымының төрағалары қатысты.
Ойыл ауданы бойынша олимпиада жетекшілеріне аудандық білім беру қызметкерлерінің кәсіподақ ұйымының атынан шипажай жолдамалары мен қаржылай сыйақылары табысталды;
Әйтеке би ауданы бойынша аудандық білім беру қызметкерлерінің кәсіподақ ұйымының бағалы сыйлықтары мен алғыс хаттары тапсырылды;
Байғанин ауданы бойынша аудандық білім беру қызметкерлерінің кәсіподақ ұйымының туристік саяхатқа және шипажайларға жолдамалары берілді;
Шалқар ауданы бойынша олимпиада жетекшілеріне аудандық білім беру қызметкерлерінің кәсіподақ ұйымының атынан қаржылай сыйақылар табысталды;
Ырғыз ауданы бойынша аудандық білім беру қызметкерлерінің кәсіподақ ұйымының шипажайларға жолдамалары тапсырылды;
Мұғалжар ауданы бойынша аудандық білім беру қызметкерлерінің кәсіподақ ұйымының ақшалай сертификаттары табысталды.
-
Фотографии
-
