ФУТЗАЛ ТУРНИРІ ҰСТАЗҒА АРНАЛДЫ
21 ақпан күні «Жайық» спорт кешенінде Х.Досмұхамедов атындағы Атырау университетінің ұстазы, тарих ғылымдарының кандидаты, профессор Ибат Қамешұлын еске алуға арналған футзалдан облыстық турнир өтті.
Профессор Ибат Қамешұлы (1943 – 1994 жж.) Гурьев педагогика институты тарих-филология факультетін (1969 ж.), әл-Фараби атындағы ҚазҰУ-нің аспирантурасын (1974 – 1977 ж.) бітірген. Гурьев пединститының тарих-филология факультетінде аға оқытушы (1975 – 1988 ж.), факультет деканы (1988 – 1990 ж.), сырттай оқыту бөлімінің проректоры (1990 – 1991 ж.), оқу ісі жөніндегі проректоры қызметтерін өмірінің соңына дейін атқарған.
Футзалдан өткен облыстық жарыста қала, аудандардан келген 6 команда күш сынасты. Сайыстың қорытындысымен Х.Досмұхамедов атындағы Атырау университеті – бірінші, «Өрлік ауылы» командасы – екінші және Құрманғазы ауданы үшінші орынды иеленді.
«Атырау облысы білім және ғылым қызметкерлерінің кәсіптік одағы» қоғамдық бірлестігінің төрағасы, тарих ғылымдарының кандидаты Қылышбай Сүндетұлы «Жеңіске деген жігері үшін» номинациясы бойынша тағайындалған жүлдені Исатай ауданы командасына табыс етті.
«Атырау облысы білім және ғылым қызметкерлерінің кәсіптік одағы» ҚБ баспасөз қызметі.
-
Фотографии
-
