«ҚАРАПАЙЫМ ЕҢБЕК –НАҒЫЗ ЕҢБЕК»
4 наурыз күні Исатай аудандық білім бөлімінде «Атырау облыстық білім және ғылым қызметкерлері кәсіптікодағы Исатай аудандық комитеті» филиалының ұйымдастыруымен Халықаралық әйелдер мерекесіне орай аудан балабақшаларының аспазшыларына арналған «Аспаздық – үлкен шеберлік» және қосымша білім беру мекемелерінің техникалық қызметкерлері үшін «Қарапайым еңбек –нағыз еңбек» тақырыптарында шаралар ұйымдастырылды. Шара барысында білім беру мекемелерінде қарапайым еңбектерімен білім саласының дамуына үлес қосып келе жатқан аяулы нәзік жандар, асыл аналарды аудандық білім бөлімінің басшысы қабылдады.
Әр мамандықтың абыройлы екендігін, әр кәсіптің өз құндылығы бар екенін пайымдасақ, білім саласының мектепке дейінгі мекемелерінде кішкентай бүлдіршіндерімізді алуан түрлі тәтті тағаммен қамтамасыз етудегі аспазшылардың мүлтіксіз еңбектеріне және білім ордасының тазалығына, мәдени талғамына, білім беру жүйесін жаңа әлеуметтік-экономикалық ортаға бейімдеудегі барлық оң өзгерістерге белсене қатысып келе жатқан қарапайым еңбек иелеріне ризашылықпен алғыс айтты.Қатынасушыларға аудандық білім бөлімі мен аудандық филиалдың Алғыс хаты тапсырылды.
Сонымен қатар,«Нұршуақ» бөбекжай-бақшасының базасында «Әр жанның жүрегінде Ана деген– жазылып қалған мәңгі ұлы есім!» тақырыбында ауданның балабақша меңгерушілеріне арналған мерекелік шара болып өтті.
Құттықтау сөз сөйлеген облыстық салалық кәсіподақ ұйымының төрағасы Қылышбай Сүндетұлы Қазақстандық оқу-ағарту, ғылым және жоғарғы білім қызметкерлері салалық кәсіподағының «Кәсіподақ ардагері» медалін Маруся Бешімоваға, «Әлеуметтік әріптестікті дамытуға қосқан үлесі үшін» төсбелгісін аудандық білім бөлімінің басшысы Гүлайна Құрманғалиеваға, «Білім және ғылым қызметкерлерінің кәсіподағына сіңірген еңбегі» үшін төсбелгісін Гүлмаржан Қуановаға, Айнаш Нажмеденоваға, Ербол Ахтановқа және Атырау облысы ардагерлер кеңесінің «Тәлімгер» медалін Тоқтарбай Қалымовқа және бір топ кәсіподақ белсенділеріне Орталық комитеттің және облыстық ұйымының Құрмет грамоталарын табыс етті.
«Атырау облыстық білім және ғылым қызметкерлерінің кәсіптік одағы» ҚБ баспасөз қызметі
-
Фотографии
-
