БАЙҚАУ ЖЕҢІМПАЗЫ АТАНДЫ
Ақтөбенің Әйтеке би ауданында педагогтардың зерттеушілік, шығармашылық, ойлау қабілеттерін дамыту мақсатында "Ең үздік жоба - 2024" байқауы өтті. Мектепке дейінгі ұйым педагогтары арасында өткізілген байқауға Әйтеке би аудандық білім қызметкерлері кәсіподақ ұйымы демеушілік етті.
Байқауға 16 педагогі қатысты. Байқау 2 кезең бойынша өткізілді. Іріктеу кезеңіне 14 балабақша педагогі қатысып, 5 педагог екінші кезеңге өтті.
Байқау қорытындысы бойынша бас жүлдеге ие болған «Балбұлақ» мектепке дейінгі ұйымының тәрбиешісі Гүлбану Төремұратоваға аудандық білім қызметкерлері кәсіподақ ұйымы Түркістан қаласына тарихи-танымдық саяхатқа жолдама табыстады.
Ал, қатысушылар мен жүлделі орын алған педагогтарға білім бөлімі мен аудандық білім қызметкерлері кәсіподақ ұйымының алғыс хаттары мен бағалы сыйлықтары табысталды.
