КӘСІПОДАҚ МҮШЕЛЕРІ АРАСЫНДА АЙМАҚТЫҚ ОЙЫН
2024 жылы 16 наурызда Өскемен қаласының М.Әуезов атындағы №17 мектеп ғимаратында, Шығыс Қазақстан облысы аудандық, қалалық кәсіподақ ұйымдарының командалары арасында, Салалық кәсіподақтың 100 жылдығына арналған облыстық ХI спартакиадасына I аймақтық іріктеу кезеңі өткізілді. Бірінші аймақтық іріктеуге Өскемен, Риддер қалалары мен Самар ауданы білім саласының кәсіподақ ұйымының мүшелері арасында командалық волейболдан және үстел теннисінен жарыс өтті.
Жалпыкомандалық ойында: 1 - орын Өскемен қаласының командасы, 2 - орын Самар ауданының командасы, 3 - орын Риддер қаласының командасы еншіледі. Жекелей үстел теннисінде жеңімпазы болған кәсіподақ ұйымының мүшелері және осы аймақтық ойынды өткізуге ат салысқан төрешілер, мектеп ұйымдастырушылары, медициналық қызметкері алғыс хаттар мен ақшалай сыйақымен марапатталды. Бірінші орын алған команда облыстық спартакиадаға жолдама алды.
Жеңімпаздардар мен жүлдегерлерді құттықтаймыз! Қатысқандарыңыз үшін алғыс білдіреміз!
Келесі II аймақтық іріктеу кезеңі 2024 жылдың 26 наурыз айында Үлкен Нарын ауданыңда өтеді, оған Алтай, Катонқарағай, Үлкен Нарын аудандарының командалары қатысады.
Сәттілік тілейміз!
-
Фотографии
-
