НАУРЫЗ МЕРЕКЕСІ АЯСЫНДАҒЫ АУҚЫМДЫ ШАРАЛАР
Солтүстік Қазақстан облыстық кәсіподақ комитеттің филиалдары Наурыз мейрамында 2024 жылы өткізу тұжырымдамасы аясында жоспарлы мерекелік шараларды өткізуде.
Осы мереке күндері облыстағы білім беру ұйымдарында ұлттық тағамдар жәрмеңкесі, ұлттық спорт түрлерінен спорттық жарыстар, ұстаздық еңбек ардагерлерін құттықтау және көмек көрсету, осы және басқа да шаралар ұйымдастырылады.
Мерекенің алғашқы күні Айыртау, Ақжар, Есіл, Уәлиханов аудандарының кәсіподақ ұйымдары ардагерлермен кездесулер өткізіп, мерекелік дастархан басында Көрісу күнімен құттықтады. Шал ақын ауданында Ғабит Мүсірепов атындағы, Мағжан Жұмабаев, Қызылжар, Аққайың аудандарында ұлттық киім және шаңырақ күндері өтіп, мерекеге ұлттық киім киген қонақтар бір-бірімен амандасып, жылы лебіздерін білдірді.
Петропавл қаласы, Тимирязев, Жамбыл, Тайынша, Мамлют аудандарының филиалдары ұлттық спорт түрлерінен жарыстар өткізіп, ұлттық тағамдардың көрсетілімімен мерекелік шай дастархандарын ұйымдастырады.
Сондай-ақ, барлық аудандық филиалдарда салалық кәсіподақ мүшелерінің көп балалы отбасыларына қайырымдылық көмек көрсетіліп, жалғыз тұратын ұстаздық еңбек ардагерлеріне көмек ұйымдастырылды.
Биылғы Наурыз мейрамының мерекелік шаралары қасиетті Рамазан айымен және православиеліктердің ораза айымен тұспа-тұс келді.
Наурыз мейрамын тойлауға байланысты кәсіподақтың облыстық комитеті Петропавл қаласындағы № 4 және 16 мектептерде болып, облыстық ұйым мамандары ұжымдарды мерекелерімен құттықтап, білім ұйымының ұжымдарына мерекелік сыйлықтар табыс етті.
Наурыз құтты болсын!
-
Фотографии
-
