ДӘСТҮРДІ ДӘРІПТЕУ
2024 жылдың 20 наурыз күні Маңғыстау облысының білім басқармасының «Көру қабілеті бұзылған балаларға арналған №1 арнайы балабақшасы» КМ мекемесінде жылдық жоспарға сәйкес «Дәстүрлі келіндер -2024» байқауы өтті.
Сайысқа 5 келін қатысты. Байқау бес кезеңнен тұрды. Атап айтқанда, келіндер «Сәлем – сөздің анасы» таныстыру, «Сөз тапқанға қолқа жоқ» ой-өрісі, «Өнер сайысы» дарын-қабілеттерін көрсету, «Кім жылдам?» қамырды жазу, «Саусағынан бал тамған келіндер – ай!» тамақ әзірлеу кезеңдері бойынша бақ сынады.
Байқаудың мақсаты - ұлттық салт-дәстүрлер мен әдет-ғұрыптарды дәріптеу. Келіндер байқауына балабақша қызметкерлері қатысты.
Байқау қорытындысы бойынша барлық қатысушылар дипломдармен марапатталды:
Бас жүлде - Г.Ізімғалиева -тәрбие ісі жөніндегі орынбасары;
І орынды - логопед С.Мұханбет мен бейнелеу өнерінің маманы Ж.Эскуватова бөлісті;
ІІ орынды – тәрбиешілер М.Жиенбаева мен М.Айтқұлова теңдей бөлісіп қанжығалады.
Барша әріптестерді Наурыз мерекесімен құттықтаймыз!
Л.Базалиева,
«Көру қабілеті бұзылған балаларға арналған №1 арнайы балабақшасы» бастауыш кәсіподақ ұйымының төрайымы Ләззат Базалиева.
-
Фотографии
-
