МЕКТЕПКЕ ДЕЙІНГІ ҰЙЫМДАРДЫҢ ҮЗДІК ПЕДАГОГТАРЫ АНЫҚТАЛДЫ
2024 жылғы 4-5 сәуір күндері Маңғыстауда Балаларды ерте дамыту институтының және Білім берудің оқу-әдістемелік орталығының жылдық жоспарына сәйкес, облыстық «Мектепке дейінгі ұйымның үздік педагогі» байқауы өтті.
Байқауға аудан, қалалардан үздік деп танылған 12 педагог (тәрбиешілер, ән-саз жетекшілері, дефектолог) қатысты.
І кезеңде әділқазылар сілтеме арқылы педагогтердің Е-портфолиосы арқылы жетістіктері мен құжаттары, эссе, кіріктірілген күн тәртібінде жүргізілген тәрбиелеу-білім беру процесінің 7 минуттық бейнероликтерін бағалады.
ІІ кезеңде Ақтау қаласындағы № 32 «Ақшағала» бөбекжайы базасында офлайн форматында І кезеңнен сәтті өткен 9 үміткердің ұйымдастырылған іс-әрекеттері көрсетілді.
Қазылар алқасының шешімімен төмендегі орындар мен номинациялар берілді:
І орын: Шарланова Анар Кәрімқызы, Ақтау қаласы, №4 «Аққу» бөбекжайының музыка жетекшісі;
ІІ орын: Жолмағанбетова Нұржамал Күмісқалиқызы, Түпқараған ауданы, «Айналайын» бөбекжайының тәрбиешісі;
ІІІ орын: Жантақбаева Жансұлу Таңатарқызы, Мұнайлы ауданы, № 4 «Балапан» бөбекжайының тәрбиешісі;
Байқауда сондай-ақ «Іскер педагог» , «Кретативті педагог», «Өнерлі педагог», «Жаңашыл педагог» номинацияларының жеңімпаздары анықталды.
Жеңімпаздарға Білім берудің оқу-әдістемелік орталығының дипломдары, «Мамандығына адалдығы үшін», «Шығармашылық презентация үшін» арнайы номинациялары мен және Салалық кәсіподақтың Маңғыстау облыстық ұйымы атынан дипломдар мен сертификаттар табысталды.
Байқау жеңімпаздарын құттықтаймыз!
