IV - АЙМАҚТЫҚ ОЙЫН...
2024 жылдың 13 сәуірінде Зайсан ауданы Қаратал орта мектебінде, Шығыс Қазақстан облысы аудандық, қалалық кәсіподақ ұйымдарының командалары арасында, Салалық кәсіподақтың 100 жылдығына арналған облыстық ХI спартакиадасына соңғы IV аймақтық іріктеу кезеңі өткізілді.
Аймақтық ойынға білім саласының кәсіподақ ұйымдарының мүшелері қатысып, волейбол мен үстел теннисінен бақтарын сынады. Аймақтық ойынның ашылу сәтіне Еркебұлан Серікұлы Зағыпаров Зайсан аудандық мәслихатының төрағасы, Зайсан ауданы бойынша білім бөлімінің басшысы Меруерт Мұратқызы, Тарбағатай ауданы бойынша білім бөлімінің басшысы Самал Дауытбаева және бір қатар мектеп директорлары қатысып, құттықтау сөз сөйледі.
Жалпы командалық ойында Зайсан ауданының командасы финалға жолдама алды. Құрама командалар, жекелей үстел теннисінде жеңімпазы болған кәсіподақ ұйымының мүшелері және осы аймақтық ойынды өткізуге ат салысқан төрешілер, мектеп ұйымдастырушылары, медициналық қызметкері алғыс хаттар мен ақшалай сыйақымен марапатталды.
Аймақтық ойынды өткізуге көмек көрсетіп, қонақжайлылық танытқаны үшін Қаратал орта мектебінің ұжымына ШҚО жергілікті кәсіподағы суға арналған кулер құрылғысын табыстап, ризашылығын білдірді.
Жеңімпаздардар мен жүлдегерлерді құттықтаймыз! Қатысқандарыңыз үшін алғысымызды білдіреміз! Финалдық ойында кездескенше!
-
Фотографии
-
