ХАТЫМЫЗ АЯҚСЫЗ ҚАЛМАДЫ
«Атырау облысы білім және ғылым қызметкерлерінің кәсіптік одағы» қоғамдық бірлестігі 2023 жылдың 24 шілдесінде № 01-10/189 Атырау облысы білім беру басқармасына хат жолдап, «Кір жуушы машинаның операторы» мамандығы бойынша талапкерлерді оқытып, олардың біліктілігін арттыруға ұсыныс берген болатын.
Осыған орай, Атырау энергетика және құрылыс, Құрманғазы аграрлы-техникалық колледжілерінде өткен жылдың қазан-қараша айларында бір ай бойы Атырау облысы бойынша білім беру ұйымдарындағы мекемелеріндегі 187 кір жуушылар оқу бағдармаларына сәйкес біліктілігін арттырды. Қорытындысында, оларға тиісінше 4 разряд берілді, сөйтіп еңбек ақыларының коэффициенті көтерілді, азаматтық қызметшілердің қатарына жататын болғандықтан ұзақтығы күнтізбелік отыз күннен кем болмайтын жыл сайынғы ақы төленетін негізгі еңбек демалысы және оларға лауазымдық айлықақы мөлшерінде сауықтыруға арналған жәрдемақы төленетін болды.
Алайда облыстық салалық кәсіподақ ұйымының аталған жұмыстары аймақтағы барлық білім беру мекемелерінің басшылары тарапынан қолдау таппады. Олардың барлығы тиісінше, әртүрлі аудит-тексеру мекемелері үшін жоғарғы органдардың бұйрығы болмаса түсінік хатының керектігін сұрады.
Осыған орай, біздің арнайы жазған қатынас хатымызға Қазақстан Республикасы Оқу-ағарту министрлігі Бюджеттік жоспарлау департаментінің директоры Жанар Исахаметовна Рахметовадан жауап хат келді. Төменде сол хаттан үзінді бергелі отырмыз:
«Атырау облысы білім және ғылым қызметкерлерінің кәсіптік одағы» қоғамдық бірлестігі
26 наурыз 2024 жылғы №3Т2024-03511107 хатыңызға орай:
Құрметті Қылышбай Сүндетұлы! Қазақстан Республикасы Оқу-ағарту министрлігі, Сіздің өтінішіңізді қарап, төмендегіні хабарлайды. Қазақстан Республикасы Еңбек кодексінің (бұдан әрі – Кодекс) 139-бабы, 10-тармағына сәйкес азаматтық қызметшілерге ұзақтығы күнтізбелік отыз күннен кем болмайтын жыл сайынғы ақы төленетін негізгі еңбек демалысы лауазымдық айлықақы мөлшерінде сауықтыруға арналған жәрдемақы төлене отырып беріледі. Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесінің 3-қосымшасына сәйкес азаматтық қызметшілердің құрамына еңбегі кәсіби дайындықты және арнайы білімді қажет ететін білікті жұмысшылар кіреді. Біліктілігі жоқ жұмысшылар қол құралдарын пайдалану және белгілі бір күш жұмсау арқылы қарапайым механикалық жұмыстарды орындайды. Жұмысшы кәсіптерінің осы санатының көп бөлігі үшін негізгі жалпы немесе орта жалпы білімінің болуы, немесе жұмыс орнында жеке оқыту жеткілікті. Іс жүзінде біліктілігі жоқ жұмысшыларға 1 және 2 санаттағы жұмышылар жатады. Әрбір нақты жағдайда жұмысшыларды білікті және біліктілігі жоқ жұмысшыларға жатқызу жөніндегі шешімді тарифтік-біліктілік сипаттамалары негізінде біліктілік комиссиясы қабылдайды. Осылайша, кір жуғыш машинасы операторларының қолда бар IV (төртінші) дәрежесіне сәйкес білікті жұмысшы қатарына жатқызылады. Сәйкесінше, Кодекске сәйкес оған сауықтыруға арналған жәрдемақы төленуі тиіс.
Директор РАХМЕТОВА ЖАНАР ИСАХМЕТОВНА».
«Атырау облысы білім және ғылым қызметкерлерінің кәсіптік одағы» ҚБ баспасөз қызметі
-
Фотографии
-
