КӘСІПОДАҚ МҮШЕЛЕРІ АРАСЫНДА БАЙРАҚТЫ БАЙҚАУ
Шәкірттер мен ұстаздардың шығармашылық қабілетін арттыру, патриоттық сезімін ояту, елге деген құрметін күшейту, ел бірлігі, Отан сүйгіштік және өнерді дәріптеу және де облыстық білім беру мекемелерінің бастауыш кәсіподақ ұйымдарының кәсіподақ мүшелерінің дарынын ұштау, арттыру, дамыту мақсатында 1-Мамыр Қазақстан халықтарының бірлігі күніне арналған «Елім менің - ұлыстар мекені» атты Екі жұлдыз Маңғыстау кәсіподақ мүшелері арасындағы облыстық байқауының қорытынды кезеңін өткізді
Мерекелік іс-шарада облыстық кәсіподақ ұйымының төрағасы Т.А. Баймбетова Тәуелсіздік күнімен құттықтап, байқау жеңімпаздарына шығармашылық табыстар тіледі.
Байқау нәтижесінде: колледждер арасында: 2-орын Маңғыстау туризм колледжi дуэті;
Аудандық, қалалық білім беру мектептері арасында: 1-орын Ақтау қаласы Ф.Оңғарсынова атындағы №29 жалпы білім беретін мектептің дуэті, 2-орын Жаңаөзен қаласы Оқушылар шығармашылық үйінің дуэті, 3-орын Түпқараған ауданы, Жалау Мыңбаев атындағы мектеп-гимназияның дуэті;
Өнер мектептері арасында: 1-орын Ақтау қаласы, Абыл Тарақұлы атындағы балалар өнер мектебінің дуэті, 2-орын Маңғыстау аудандық өнер мектебінің дуэті, 3-орын Мұнайлы ауданы, балалар өнер мектебі дуэтіне берілді.
Қалған қатысушы жұптар байқауға белсене қатысқаны үшін ынталандыру сыйлықтары мен қаржылай сертификаттарға ие болды.
Қазылар алқасының мүшесі, Маңғыстау облыстық ғылыми-әдістемелік және мәдени қызмет көрсету орталығының халық шығармашылығы бөлімінің меңгерушісі Ноғаева Нұржамал Қожаназарқызы жеңімпаздарды құттықтай келе, қатысушыларға келешекте байқау ережесінен ауытқымауды, талапқа сай болуды ескертті.
Біз, жас өскелең жастар, тәуелсіз Қазақстанның болашағымыз. Ата-бабаларымыздың аңсаған арманы – Тәуелсіздіктің бесігінде тербеліп, еркін өмір сүріп жатқан біздер шынайы бақытты жандармыз. Ендігі мақсат, осы еркіндікті баянды ету біздің басты парызымыз.
«Қазақ елі - жасасын!» - деген, жалынды сөздермен мерекелік кеш байқау қорытындыланды.
Маңғыстау облыстық кәсіподақ ұйымы
