САЗ МЕКТЕБІНДЕГІ САЛТАНАТ
Ағымдағы жылдың 27 мамыр күні Құрманғазы атындағы балалар саз мектебінде 2023 – 2024 оқу жылының соңғы педагогикалық кеңесі өткізілді. Жиналыс барысында мектебіміздің есеп беру концерті талқыланды. Оқушылардың білім берудегі көрсеткіштерін әдетте қалалық, облыстық, республикалық, халықаралық өнер байқаулары анықтайды. Осы орайда мектеп оқушылары түрлі дәрежеде фестиваль-конкурстарға қатысып, жүлделі орындар иеленуде. Ал олардың жетістікке жетуіне ұстаздарымыздың еңбектері мол.
Аталған қорытынды жиынға «Атырау облысы білім және ғылым қызметкерлерінің кәсіптік одағы» қоғамдық бірлестігінің төрағасы Қылышбай Сүндетұлы қатынасып, балалар саз мектебінің ұстаздары Алия Рамазанова, Иннна Меграбова, Алия Танашева Қазақстандық оқу-ағарту, ғылым және жоғары білім қызметкерлерінің салалық кәсіподағының Құрмет грамотасын табыс етті.
Мектеп директорының у.м.а. Райгүл Айсангалиева абыройлы еңбегі үшін Қазақстандық оқу-ағарту, ғылым және жоғары білім қызметкерлерінің салалық кәсіподағының «Әлеуметтік әріптестікті дамытуға қосқан үлесі үшін» төсбелгісімен марапатталды. Жиын соңында мектеп әкімшілігі мен кәсіподақ ұйымының атынан облыстық салалық ұйым жетекшісіне ұжымы атынан ризашылығымызды білдірдік. Төраға кітап, газет оқуды жаны сүйетінін айтып марапатталған ұстаздарға кезекті «Ұстаздық еңбек» газетінің сандарын сыйлық етті.
Гүлсара ҚҰРМАНҒАЛИЕВА,
Құрманғазы атындағы балалар саз мектебі бастауыш кәсіподақ ұйымының төрағасы
Атырау облысы.
-
Фотографии
-
