АТЫРАУДА ЖАҢА БАСТАУЫШ ҰЙЫМ ҚҰРЫЛДЫ
Жуырда «Атырау облысы білім және ғылым қызметкерлері кәсіптік одағы» қоғамдық бірлестігінің кезекті Атқару комитетінің мәжілісі өтті. Отырыста күн тәртібіне ұсынылған мәселелер «Педагогтарды жеңілдіктермен және кепілдіктермен қамтамасыз етуге қатысты Қазақстан Республикасының «Педагог мәртебесі туралы» Заңының ережелерін іске асыру бойынша жұмыс жағдайы туралы» облыстық салалық ұйым төрағасы Қылышбай Сүндетұлының, «Атырау индустриалды колледжі бастауыш кәсіподақ ұйымының жарғылық міндеттерді орындауы туралы» бойынша ұйым төрағасы Айсұлу Қабдолованың, «Атырау облысы білім және ғылым қызметкерлері кәсіптік одағы» қоғамдық бірлестігінің кәсіподақ мүшелері және олардың балалаларының 2024 жылғы жазғы демалысын ұйымдастыру туралы» туралы бас есепші Алтын Тюяқпаеваның есепті баяндамалары тыңдалынып, тиісті қаулылар қабылданды.
Атқару комитеті мәжілісінде Атырау облысы Білім беру басқармасы «№ 2 Психологиялық-медициналық-педагогикалық консультация» КММ жанынан құрылған бастауыш ұйымы жиналысының қаулысы бекітіліп, облыстық ұйым қатары тағы бір жаңа ұйымға толықтырылды.
Мәжіліс соңында ұзақ жылдар облыстың білім беру саласына зор үлес қосқан есімі белгілі ұстаз, мемлекеттік қызметтің ардагері Бақберген Қарабаевқа Қазақстан Республикасы Оқу-ағарту Министрінің Алғыс хаты табыс етілді.
Атырау облысы білім және ғылым қызметкерлері кәсіптік одағы» ҚБ баспасөз қызметі
