«ҮЗДІК КІТАПХАНАШЫ - 2024» БАЙҚАУЫ
2024 жылдың 28 қазанында республикалық кітапханашылардың кәсіби мерекесіне орай «Оқуға құштар мектеп» жобасы аясында «ШҚО оқу-ағарту, жоғары білім, ғылым және басқа бюджеттік ұйымдар қызметкерлерінің жергілікті кәсіподағы» қоғамдық бірлестігі мен ШҚО ББ «Örken» өңірлік білім беруді ақпараттандыру және дамыту ғылыми-әдістемелік орталығының 2024 жылға арналған бірлескен жұмыс жоспарына сәйкес «Үздік кітапханашы - 2024» облыстық байқауы өтті.
Байқаудың негізгі мақсаты мен міндеттері - шығармашылықпен жұмыс істейтін білім беру ұйымдары кітапханашыларын анықтау, қолдау және олардың инновациялық жұмыс тәжірибесін тарату, оң имиджді қалыптастыру.
Байқауға аудандық және қалалық іріктеу кезеңінен үздік деп танылған 11 кітапханашы қатысуға жолдама алды. Байқау «Библиолик» визит карточкасы мен кітапхана жобасын іске асыруда үздік идеялар тапсырмалар бойынша, жүлдегерлер анықталды:
I орын – Риддер қаласының «№2 орта мектебі» КММ кітапхана меңгерушісі Кузнецова Наталья Петровна және кітапханашы Берікболова Жансая Берікболқызы; II орын – Тарбағатай ауданының «М. Әуезов атындағы Акжар мектеп-интернат-колледжі» КММ кітапхана меңгерушісі Қасымова Әсем Ержанқызы; III орын – Самар ауданының «Әлия Молдағұлова атындағы орта мектебі» КММ кітапханашысы Тулепова Әсел Маратқызы; III орын – Үлкен Нарын ауданының «Солдатово орта мектебі» КММ кітапханашысы Тютенькова Мария Ивановна;
«Ұшқыр ойлы кітапханашы» номинациясымен –Алтай ауданының «Алтай қаласының № 9 орта мектебі» КММ кітапхана меңгерушісі Смаилова Майра Кабдуалиевна;
«Кітапханашы - өлкетанушы» номинациясымен - Катонқарағай ауданының «Ақсу орта мектебі» КММ кітапханашысы Далиманова Гульжупар Мустафиновна;
«Ізденімпаз кітапханашы» номинациясымен - Күршім ауданының «Н. Островский атындағы №4 Күршім орта мектебі» КММ кітапханашысы Кудакенова Карлыгаш Кенжекановна;
«Жаңашыл кітапханашы» номинациясымен - Өскемен қаласының «№49 жалпы білім беретін мектебі» КММ кітапхана меңгерушісі Чаямбаева Лаура Бурабайқызы;
Марапаттау рәсімі барысында шараға қазылар алқасының мүшесі ретінде қатысқан ШҚО жергілікті кәсіподағының ұйымдастыру жұмысы бойынша маманы А.Конакбаева құттықтап, кәсіподақ атынан қолдау көрсетіп, жеңімпаздар мен қатысушыларды сыйлықтармен марапаттады.
Жеңімпаздар мен қатысушыларды шын жүректен құттықтаймыз! Әр кітапты көздеріңіздің қарашығындай сақтап, кітапханаларды жаңартып, оқырмандарға бар жағдайларын жасап жүрген еңбектеріңіз жансын. Зор денсаулық, қызметтеріңізге жеміс, істеріңізге табыс, тек жақсылық тілейміз.
-
Фотографии
-
