Новости территориальных организаций

Ағымдағы жылдың 28 қазан күні «Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» ҚБ-нің Талдықорған қалалық филиалына қарасты педагог қызметкерлерінің арасында күзгі демалыс кезіндегі «Шахмат» турнирі өткізілді. Турнирге қалалық білім беру мекемелерінің 17 командасы құрамынан ерлер мен қыздар арасынан 50-ден астам педагог қызметкер қатысты.

Жарыс нәтижесінде: «Шахмат» турнирінде І орынды - Мұхтар Арын атындағы №24 мамандандырылған лицейінің командасы жеңімпаз атанып, алға шықты. ІІ орынды Еркін ауылдық округіндегі мектепке дейінгі шағын орталығы бар №26 орта мектебі жеңіп, ІІІ орынға №14 орта мектеп-гимназиясы және М.Ломоносов атындағы №5 орта мектеп-лицейінің командалары ие болды.

Жарыс нәтижесі бойынша жеңімпаз атанған мектеп командаларын «Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» қоғамдық бірлестігінің төрағасы Мэлс Құлмұханович Төлепбергенов құттықтап, жүлделі орын алған командалар мен номинация иелерін Дипломдармен марапаттап, бағалы сыйлықтар табыстады.

Бұл шараның басты мақсаты - ұстаздар арасында спорт түрлерін дамыту, кәсіподақ мүшелерінің жұмысын жандандыру, кәсіподақ мүшелеріне қолдау көрсетіп, ынталандыру екенін Талдықорған қалалық кәсіподақ филиалының төрағасы Айым Ерікқызы атап айтты. Талдықорған қаласының мектептерінің педагогтары облыстық спартакиадаға дайындалып, қатысуға қызығушылық танытуда.

«Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» ҚБ Талдықорған қалалық филиалы