Новости территориальных организаций

Ағымдағы жылдың күзгі демалыс күндері «Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» ҚБ Талдықорған қалалық филиалына қарасты педагог қызметкерлерінің арасында күзгі демалыс кезіндегі «Шағын футбол» жарысы өткізілді. Жарысқа қалалық білім беру мекемелерінің 22 команда құрамынан 220 педагог қызметкер қатысты. «Шағын футбол» жарысы - Құлжабай Қасымов атындағы №28 IT мектеп-лицейі, Б.Сырттанұлы атындағы №25 орта мектептерінде ұйымдастырылды.

«Шағын футбол» жарысы нәтижесінде: І орынды - Құлжабай Қасымов атындағы №28 IT мектеп-лицейінің командасы жеңімпаз атанып, ІІ орынды №15 орта мектеп командасы ие болды. ІІІ орынды Ынтымақ ауылындағы №30 орта мектеп және Б.Сырттанұлы атындағы №25 орта мектептері иеленді.

Жарыс нәтижесі бойынша жеңімпаз атанған мектеп командаларын «Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» қоғамдық бірлестігінің төраға орынбасары Болат Каметович Тұрысбеков құттықтап, жүлделі орын алған командалар мен номинация иелерін Дипломдармен марапаттап, бағалы сыйлықтар табыстады.

Ұстаздарға күзгі демалыста салауатты өмір салтын насихаттау мақсатында Талдықорған қалалық кәсіподақ филиалының ұйымдастыруымен жарыстар жылдық жоспарға сәйкес дәстүрлі түрде жоғары деңгейде өткізілді.

«Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» ҚБ Талдықорған қалалық филиалы