АРДАГЕР ҰСТАЗБЕН МАҚТАНАМЫЗ
Қасейнова Күлмаз Қайырбайқызы білім саласының ардагері, Талдықорған қаласындағы «Басқару негіздері мектебі» балабақшасында тәрбиеші ретінде еңбек етуде. Білім саласында 40 жылдан астам уақыт қызмет етіп жүрген ардагер ұстаз. Күлмаз Қайырбайқызы 1984 жылы І.Жансүгіров атындағы университетте білім алып, еңбек жолын бастады. Осы жылдар ішінде өзін кәсіби дамытуда талмай ізденіп, жетілдіруден жалыққан емес.
2012 жылдан бері кәсіподақ төрайымы болып қоғамдық жұмыстарға белсене қатысып, әр түрлі іс –шаралар ұйымдастырып, өткізуде. Білім ошағында үздіксіз еңбек еткен Күлмаз Қайырбайқызы 2021 жылы «Қазақстанның үздік ұстазы» төсбелгісімен, 2022 жылы «Білім және ғылым қызметкерлерінің кәсіподағына сіңірген еңбегі үшін» белгісімен марапатталды. «Қазақстандық оқу-ағарту, ғылым және жоғары білім қызметкерлері салалық кәсіптік одағы» ҚБ 100 жылдығына орай Қасейнова Күлмаз Қайырбайқызының көп жылдық еңбегі еленіп, «Кәсіподақ ардагері» төсбелгісімен марапатталды.
Болашақ ұрпақты тәрбиелеуде мықты шыдамдылық пен балаларға деген мейірімділікті серік еткен ұстаз, казіргі таңда бала тәрбиесіне өз үлесін қосуда. Аяулы ана, ардақты әже «Ардақты ана» атты төсбелгісінің иегері. Құрметті ұстаз, кәсіподақ ардагері – Күлмаз Қайырбайқызымен мақтанамыз.
«Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» ҚБ Талдықорған қалалық филиалы
-
Фотографии
-
