КӘСІПОДАҚ СЫЙЫНА ИЕ БОЛДЫ
Ақтөбе облысының Қобда аудандық білім қызметкерлері кәсіподақ ұйымының қолдауымен ауданның білім беру ұйымдарының педагог-психолог мамандарына арналған «Үздік психолог - 2024» аудандық байқауы өткізілді.
Байқау қатысушылары үш кезең бойынша өзара бақ сынасты. «Менің әлемім» тақырыбындағы бірінші кезеңде қатысушылар өздерін таныстырып, кәсіби жетістіктерін қамтыды. Ал, «Менің қазынам» атты екінші кезеңде психологиялық техникалар мен жаттығулар көрсетсе, үшінші кезеңде кейс бойынша таңдалынып алынған кейс жағдаяттарды сол жерде шешу жолдары айтылды.
Байқауға Қобда аудандық білім бөлімінің әдіскері Бибігүл Истлеуова, Бегалы негізгі мектебінің педагог-психолог маманы Клара Айжарықова, Қобда аудандық психологиялық-педагогикалық түзету кабинетінің педагог-психолог маманы Аяжан Қоныс қазылық етті.
Байқау қорытындысында Ә.Молдағұлова атындағы орта мектептің қызметкері Жаниса Нұрмағанбетова жүлделі бірінші орынды жеңіп алды. Екінші орын Талдысай орта мектебінің қызметкері Айман Сарқұловаға бұйырса, үшінші орынды Ақырап орта мектебінің қызметкері Айнұр Акубаева иеленді.
Байқауда таланты мен шығармашылығын шыңдай біліп, өз кәсіби біліктілігін көрсеткен қатысушылар мен жеңімпаздарға Алғыс хаттар мен аудандық кәсіподақ ұйымының сыйлықтары табысталды.
-
Фотографии
-
