ЕҢБЕК АДАМЫ
Абдуллина Дина Жекебайқызы – білікті маман, өз саласының білгірі. Ол отыз үш жылдан бері білім беру саласында абыройлы қызмет етіп келеді. Дина Абдуллина өз ісін терең меңгеріп, шәкірттерінің табысымен көпшілікті қуантып жүрген ұстаз.
Абдуллина Дина Жекебайқызы – 1968 жылдың 31 шілдесінде Ақтөбе облысы Новоресей ауданы Степной ауылында дүниеге келген. 1991 жылы Қ.Жұбанов атындағы Ақтөбе педагогикалық институтының Орыс тілі мен әдебиеті пәнінің мұғалімі мамандығын бітірді. 1991 жылдан бастап Хромтау ауданының Дөң мектеп-гимназиясында орыс тілі мен әдебиеті пәнінің мұғалімі қызмет етеді.
Абдуллина Дина Жекебайқызы - іскерлігі мен ұйымдастырушылық қабілеті жоғары, өзіне тән ұстаздық өрнегін таныта білген еңбек адамының бірі. Дина Жекебайқызы - деңгейі жоғары кәсіби шеберлігі мен дүниетанымы терең, шығармашыл ұстаз. Ұстаз еңбегі де елеусіз емес. Дина Жекебайқызының еңбегі еленіп, жыл сайын мектеп тарапынан және аудандық, облыстық марапаттарға ие болып жүр. Оған дәлел Ақтөбе облыстық білім және ғылым қызметкерлері кәсіподағы ұйымының, Ақтөбе облыстық білім басқармасының Алғыс хатымен, «Өрлеу» біліктілікті арттыру ұлттық орталығының Алғыс хаттарымен марапатталды.
«Адамның адамшылығы - жақсы ұстаздан» деп ұлы Абай айтқандай, мұғалім тәрбиесі мен өнегесі оқушының болашақ азығы. Оқушылары республикалық, облыстық, аудандық сайыстардан жүлделі орындар алды. «Lesson Study» тақырыбында шығармашылықпен жұмыстанып, оны үнемі сабақта қолдануда. Мол тәжірибе жинақтаған ұстаз заман талабына сай икемделіп, қашанда тың ізденістерге ұмтылудан жалыққан емес, сондықтан оқушылардың пәнге деген қызығушылығын оятуға, шығармашылық қабілеттерін оятуға бойындағы барлық күш жігерін жұмсап келеді. Дина Жекебайқызының өткізген ашық сабақтары, өнеге сағаттары, сыныптан тыс тәрбие жұмыстары, семинарларда көрсеткен тәжірибелері жоғары бағаланып, аудан мұғалімдер арасында кеңінен таратылып отырады.
Ұстаз болу жүрек жылылығын, мейірім шуағын, адамгершілік ұлылығын баланың бойына дарыту дейтін болсақ, Дина Жекебайқызы – жас ұрпаққа үлгі беруден, үйретуден жалықпаған нағыз педагог.
