ЕҢБЕК ҚАУІПСІЗДІГІ – КӘСІПОДАҚ НАЗАРЫНДА
1 сәуірде Павлодар облыстық ұйымы Ертіс ауданы білім беру бөлімінің №4 жалпы орта білім беру мектебі КММ базасында Ертіс ауданының мектеп, мектепке дейінгі мекемелері мен қосымша білім беру ұйымдарының еңбекті қорғау жөніндегі техникалық инспекторлары мен әкімшілік-шаруашылық бөлігінің орынбасарлары үшін оқыту семинары өткізілді.
Іс-шараға еңбек құқығының сарапшысы М.Қабжамитов, Павлодар облыстық ұйымының құқықтық мәселелер жөніндегі бас маманы Г.Джаркенова қатысып, сөз сөйледі.
Гүлшат Оралқызы тыңдаушылардың назарын еңбек қауіпсіздігі мен қорғау саласындағы қызметті реттейтін нормативтік-құқықтық актілерге аударды және жұмысшылардың қауіпсіз еңбек құқығын қорғау әрдайым және әрқашан барлық деңгейдегі кәсіподақ органдарының басты міндеті болып қала беретініне ерекше тоқталды.
Сонымен қатар, ол жұмыс орнындағы жарақаттануды болдырмау, барлық жұмысшылар – кәсіподақ мүшелері үшін қолайлы әрі ыңғайлы еңбек жағдайларын жасау маңызды екенін атап өтті.
Еңбек қауіпсіздігі және қорғау саласындағы техникалық инспекторлардың рөлі, өндірістік кеңестердің жұмысы, өндірістік жарақат кезінде зиянды өтеу мәселелері, жазатайым оқиғаларды тергеп-тексеру және есепке алу тәртібі, жұмысшылардың еңбек қызметіндегі басқа да денсаулыққа қауіп төндіретін жағдайлар туралы еңбек құқығы бойынша сарапшы Марат Тілеубергенұлы өз сөзінде айтты.
Қорытындысында 33 қатысушыға оқу семинарын сәтті аяқтағаны туралы сертификаттар табыс етілді.
Павлодар облыстық ұйымы баспасөз қызметі
-
Фотографии
-
