ТЕМІР АУДАНЫНДА АДАЛ ЕҢБЕК ИЕЛЕРІ ҚҰРМЕТКЕ БӨЛЕНДІ
Жұмысшы мамандықтар жылы мен Конституция күні аясында Ақтөбенің Темір ауданында білім саласында еңбек етіп жүрген кіші қызметкерлерге арналған салтанатты шара ұйымдастырылды.
Іс-шараны Темір аудандық білім қызметкерлері кәсіподағы ұйымы өткізді. Марапат иелерінің қатарында Абай жалпы білім беретін орта мектебі, Бабатай негізгі орта мектебі, “Балапан” балабақшасы, “Еңбекші” мектеп-балабақшасы, “Алтықарасу” мектеп-бақшасы, Сарыкөл негізгі орта мектебінің кәсіподақ мүшелері болды.
Салтанатты жиын барысында 100-ден астам техникалық қызметкер аудандық білім бөлімі мен кәсіподақ ұйымының Алғыс хаттарымен марапатталып, қаржылай сертификаттарға ие болды.
Темір аудандық кәсіподақ ұйымының өкілдері алдағы уақытта да сала қызметкерлерінің әлеуметтік жағдайын жақсартуға, еңбек құқықтарын қорғауға бағытталған игі бастамаларды жалғастыра беретінін атап өтті.
