МҰҒАЛЖАРЛЫҚ МҰҒАЛІМДЕР КӘСІБИ ШЕБЕРЛІКТЕН БАҚ СЫНАСТЫ
Ақтөбе облысының Мұғалжар аудандық білім қызметкерлері кәсіподағы мен Мұғалжар аудандық білім бөлімінің ұйымдастыруымен орыс тілі мен әдебиеті пәні мұғалімдері арасында аудандық «Үздік орыс тілі мен әдебиеті пәні мұғалімі – 2025» байқауы өтті.
Бұл байқау мұғалімдердің кәсіби шеберлігін шыңдап, озық педагогикалық тәжірибелерді насихаттауға бағытталған маңызды шара болды. Қатысушылар жоғары дайындықпен келіп, өздерінің шығармашылық әлеуетін, заманауи әдістемелерді меңгергендігін және оқытудағы инновациялық тәсілдерін танытты.
Байқау бірнеше күрделі әрі қызықты турлардан тұрды. Қатысушылардың кәсіби біліктілігі мен педагогикалық шеберлігін бағалаған қазылар алқасы қорытындысы бойынша жеңімпаздар мен жүлдегерлер анықталды.
Байқау нәтижесінде бас жүлдені Қандыағаш қаласының №3 мектеп-гимназиясының мұғалімі Жұлдыз Мұхамбетияр иеленді. Бірінші орынға №4 Қандыағаш қалалық жалпы білім беретін мектебінің мұғалімі Нұрбибі Нұрсайынова ие болды. Екінші орынға №1 Қандыағаш қалалық жалпы білім беретін мектебінің мұғалімі Қуандық Қайратов пен №5 Қандыағаш қалалық жалпы білім беретін мектебінің мұғалімі Галина Беляева лайық деп танылды. Ал үшінші орынды Ақкемер жалпы білім беретін мектебінің мұғалімі Венера Хамзина, №1 Ембі қалалық жалпы білім беретін орта мектебінің мұғалімі Сая Самаева, №4 Ембі қалалық ЖББОМ мұғалімі Эльвира Даубаева және №2 Ембі қалалық жалпы білім беретін орта мектебінің мұғалімі Гүлдария Есбосынова өзара бөлісті.
Барлық жеңімпаздар мен қатысушылар Мұғалжар аудандық білім қызметкерлері кәсіподағы тарапынан бағалы сыйлықтармен және дипломдармен марапатталды.
Бұл байқау аудан мұғалімдерінің кәсіби әлеуетін көтеріп, білім беру саласында тәжірибе алмасуға және шығармашылық ынтымақтастық орнатуға үлкен мүмкіндік берді.
