ӨЗ ІСІНІҢ ШЕБЕРІ
Есқали Зағи Алмағамбетқызы - Қызылорда қаласы бойынша білім бөлімінің «Сыр бөбегі» бөбекжай-бақшасы коммуналдық мемлекеттік қазыналық кәсіпорнының меңгерушісі, ІІ санатты басшы, педагог-зерттеуші. Есқали Зағи Алмағамбетқызы – жоғары білікті, шығармашыл, кәсіби шеберлігімен және жауапкершілігімен ерекшеленетін білікті басшы.
Ол мектепке дейінгі ұйымды тиімді басқаруда, заманауи білім беру талаптарына сай оқу-тәрбие үдерісін ұйымдастыруда және инновациялық идеяларды енгізуде айрықша жетістіктерге жеткен. Оның басшылығымен «Сыр бөбегі» бөбекжай-бақшасы білім беру сапасын арттыру, тәрбиеленушілердің танымдық және экологиялық мәдениетін дамыту бағытында нәтижелі жұмыстар атқаруда.
Балабақша «Жасыл Қазақстан» ұлттық жобасының жүзеге асырылуын қолдау және экологиялық білім беруді дамыту, балалардың жаратылыстану сауаттылығын арттыру мақсатында Қызылорда облысының білім басқармасының 02.09.2022 жылғы №150-нқ/1 бұйрығына сәйкес «Жасыл балабақша» пилоттық жобасына енгізіліп, «тірек білім беру ұйымы» ретінде бекітілді. Сонымен қатар, Қазақстан Республикасы Оқу-ағарту министрлігінің 01.07.2023 жылғы №192 бұйрығына сәйкес, «Озық педагогикалық тәжірибені тарату және енгізу үшін мектепке дейінгі ұйымдардың құзыреттілік орталықтарын құру» жобасы аясында Республикалық құзыреттілік орталығы мәртебесіне ие болды.
Бұл жетістік – мекеме қызметінің жоғары сапасын және Есқали Зағи Алмағамбетқызының басқарушылық шеберлігін айғақтайды.
2023 жылдың қорытындысы бойынша «Сыр бөбегі» бөбекжай-бақшасы Қызылорда облысы бойынша «Үздік білім беру ұйымы» атағына ие болды.
2024 жылы Қазақстан Республикасы Экология және табиғи ресурстар министрлігі ұйымдастырған «Экологиялық білім берудің үздік ұйымы» ұлттық байқауында үшінші орын иеленіп, экологиялық мәдениетті қалыптастырудағы үздік тәжірибесін республика көлемінде дәлелдеді.
Есқали Зағи Алмағамбетқызының еңбегі мемлекет тарапынан да жоғары бағаланып, 2024 жылы «Білім беру ісінің құрметті қызметкері» төсбелгісімен марапатталды. Осы жетістіктің нәтижесінде «Біркөлік» шипажайына арнайы жолдама берілді.
Зағи Алмағамбетқызы – өз мамандығын шынайы сүйетін, ұжым арасында беделді, жаңашыл көзқарастағы, қоғам мен ата-аналар тарапынан зор құрметке ие басшы. Оның еңбегі мектепке дейінгі білім беру сапасын арттыруға және өңірдегі педагогикалық тәжірибені дамытуға үлкен үлес қосуда.
