ТАРИХЫ ТЕРЕҢ БІЛІМ ОРДАСЫНА – 50 ЖЫЛ!
Х.Өзбекғалиев атындағы Маңғыстау жоғары политехникалық колледжіне 50 жыл толуына орай «Заманауи колледж: жаңа уақыт және жаңа шешімдер» тақырыбында республикалық ғылыми-тәжірибелік конференция өтті.
Конференцияның мақсаты: Қазіргі заманғы ғылым мен білім беруді дамытудың заманауи үрдістері, дамыту перспективалары, жаңа әдіс-тәсілдері мен инновациялық зерделеу жұмыстары, оның тиімділігін арттыру моделдері мен әдіс тәсілдері, заманауи технологиялардың болашақ мамандар тәрбиелеудегі өзекті мәселелері мен болашағы бойынша сұрақтарды зерттеу және ақпарат алмасу.
Конференцияға Маңғыстау облысы әкімдігінің өкілдері, кәсіпорындар мен ұйымдардың басшылары, жеке кәсіпкерлер, облыстық білім басқармасының бөлім басшылары, Маңғыстау облысы кәсіподақ ұйымы басшысы, Колледждің ардагер ұстаздары, түлектер, БАҚ өкілдері, Х.Өзбекғалиев атындағы Маңғыстау жоғары политехникалық колледжінің қызметкерлері қатысты.
Конференцияның ашылуында Колледждің 50 жылдық мерейтойына арналған фильм көрсетілді. Шарада ҚР Оқу-ағарту министрлігі техникалық және кәсіптік білім департамент басқармасы, «Talap» КеАҚ–ның Стратегиялық жоспарлау, жобалар және ІТ-қамтамасыз ету басқармасы, Маңғыстау облысының әкімдігі, Маңғыстау облысының білім басқармасы, Мағаш» өндірістік фирмасы ЖШС-ң директордың орынбасары, Ақтау қалалық маслихат депутаты, «Ұлттық жол активтері сапасы орталығы» РМК МО филиалы басшылары мен қызметкерлері сөз сөйледі.
Шара барысында колледждің ардагер ұстаздары мен педагог қызметкерлері және әлеуметтік әріптестер марапатталды. Колледж басшысы Зарипа Есенбайқызы әлеуметтік әріптестікте әрдайым ынтымақтастықта қолдау көрсетіп жүрген «Қазақстандық салалық білім және ғылым қызметкерлері кәсіподағының Маңғыстау облыстық ұйымы» ҚБ төрағасы Тарбия Анайбекқызы Баймбетоваға Маңғыстау облысы әкімінің «Алғысын» гүл шоғымен құттықтап табыстап, өз ризашылығын білдірді.
Маңғыстау облыстық ұйымы
