ОРАЛДА ҚАРИЯЛАР КҮНІНЕ ОРАЙ ТӘРБИЕЛІК ШАРА ҰЙЫМДАСТЫРЫЛДЫ
Орал қаласының №12 «Аленушка» бөбекжайында БҚО Орал қалалық кәсіподақ комитеті – Филиалының қолдауымен 1 – қазан Халықаралық қарттар күніне орай «Қарттарым асыл қазынам» атты тәрбиелік шара ұйымдастырылды.
Шараға Орал қалалық білім беру мекемесінің мектепалды сынып пен шағын орталық әдіскері Анаргүл Сәрсенова қатысты.
Шараның мақсаты: Жас жеткіншектердің бойына үлкенді сыйлап тыңдай білуге, халқының салт – дәстүрінен нәр алуға, инабаттылық пен мейірімділікке тәрбиелеу.
Мерекелік шара Орал қалалық кітапханалар жүйесінің № 16 кітапхана филиалының «Ақ кимешек» әжелер үйірмесінің балаларға арнап Ы.Алтынсариннің «Әке мен бала» ертегісін көрсетумен бастау алды.
Қарт кісіні құт - береке деп танысақ - ол ұрпақ көрегендігі. Ұрпағы құрметтеген ата - ана әр кезде де бақытты. Қазіргі кезде біздің мемлекетімізде қарттарға үлкен мән беріп, көңіл аударып, жан - жақты үкімет тарапынан қамқорлық жасалуда. Қазақстанның өсіп - өркендеуіне, еліміздің бейбітшілік тыныш өмір кешуіне өз үлестерін қосқан осы ардақты да аяулы қарттарымыздың арқасы екені аян. Міне, енді қарттар күні саналы ғұмырларын Отан деп, тынымсыз еңбектерімен мемлекетіміздің негізін салуға жол ашқан алдыңғы буын аға - апаларымыздың төл мерекесі. Олардың өмір жолдары бүгінгі ұрпаққа табылмас қазына.
БҚО Орал қалалық кәсіподақ комитеті – Филиалының төрағасы Төлеген Темешев құттықтау сөз алып, қонаққа келген бөбекжай ардагерлері мен қарияларға естелік сыйлықтар мен гүл шоқтарын тарту етті.
Ата - аналардан құралған волонтерлер тобы жалғызбасты әжелерге қайырымдылық қоржындарын табыстады.
Бөбекжай бүлдіршіндері қонақтарға әннен шашу шашып, би билеп, ойындар ойнап тамаша көңіл - күй сыйлады. Қариялардың ризашылықтарына бөленіп, ақ баталарын алды.
БҚО ОРАЛ ҚАЛАЛЫҚ КӘСІПОДАҚ КОМИТЕТІ – ФИЛИАЛЫ
