ҚЫЗЫЛОРДАДА АТҚАРУ КОМИТЕТІНІҢ КЕҢЕЙТІЛГЕН ОТЫРЫСЫ БОЛЫП ӨТТІ
Отырысқа Қызылорда облыстық білім және ғылым қызметкерлері кәсіподақ комитетітінің төрайымы, облыстық мәслихат депутаты Есқалиева Гүлнар мен аумақтық кәсіподақтар орталығының төрағасы, облыстық мәслихат депутаты Нәлібаев Мақсұт қатысып, Конституциялық Реформаны түсіндіру бойынша жұмыстар жүргізді.
Әрі қарай облыстық ұйым төрайымы Гүлнар Есқалиева негізгі жұмыстарға тоқталып, 2021 жылдың қорытындысы мен ағымдағы жылдың 1-ші тоқсанында атқарылған жұмыстарды тізбектеді. Өз сөзінде: «Облыстық ұйым- жұмыскерлердің мүдделерін қорғау жолында «Кәсіптік одақтар туралы» Қазақстан Республикасының Заңына, Салалық деңгейде білім және ғылым саласы қызметкерлері үшін еңбек жағдайын, жұмыспен қамтуды және әлеуметтік кепілдіктерді белгілеу жөніндегі 2021-2023 жылдарға арналған әлеуметтік - әріптестік туралы Салалық келісімге сәйкес өздеріне берілген өкілеттіктер шегінде міндеттерін орындап келеді. Салалық келісім негізінде көптеген түйткілді мәселелер шешімін тапты. Ұжымдық шартта көрсетілген кепілдіктердің орындалуына ықпал етті. Қазір былтырғы жылмен салыстырғанда кәсіподақ мүшелерінен заңсыз ұсталған қаржы көлемі азайды-деп атап өтті.
Әрі қарай кәсіподақ қозғалысында үздік жетістіктерге жеткен білім ошақтарына тоқталып, бірлескен жұмыстары үшін алғысын білдірді.
Әлеуметтік әріптестік аясында жасалып жатқан әрбір шараның маңызын айтып, бірқатар орта білім беру ұйымдарының басшыларын кәсіподақтың ең жоғарғы марапаты - төсбелгімен наградтады.
Олар:
Жанат Сәдуақасова - Абай атындағы үш тілде оқытатын дарынды балаларға арналған мамандандырылған сыныптары бар мектеп директоры;
Әлия Күшкінбаева - А.Байтұрсынов атындағы №211 орта мектебінің директоры;
Жанат Камитбекова - Т.Жүргенов атындағы № 136 мектеп – лицейінің директоры;
Батырбек Әбиев - Н.Ильясов атындағы №9 мектеп - гимназиясының директоры;
Бек Тумурзаев - Т.Есетов атындағы №264 мектеп-лицейінің директоры;
Гүлзира Абдазиева - №7 мектеп-лицейінің директоры.
Қазақстандық салалық білім және ғылым қызметкерлері кәсіподағының Құрмет грамотасымен марапатталғандар:
Гүлден Сапабекова -Қызылорда қаласы №5 «Шаттық» мектепке дейінгі ұйым меңгерушісі
Айгүл Уткелбаева - Әли Мүсілімов атындағы №101 мектеп-лицейінің директоры;
Фарида Тапалова -№143 орта мектебінің директоры марапатталды.
Күн тәртібі бойынша жиында Қызылорда қалалық кәсіподақ комитетінің төрайымы Орынша Әлімбетова атқарылған жұмыстар есебін берді.
Күннің екінші жартысы семинармен жалғасты. Облыстық кәсіподақ ұйымы төрайымының орынбасары Нұргүл Өтегенова хабарлама жасап, бастауыш кәсіподақ ұйымы төрағаларының жұмысын жандандыру бағытында сауалнама жүргізді. Әрі қарай ұйым заңгерлері Хамит Тарбақов пен Ербол Жұбатханов құқықтық жұмыстар бойынша әдістемелік көмек көрсетті.
Отырыс соңы бастауыш кәсіподақ төрағаларына арналған түсіндірме жұмыстарына ұласып, жұмыс барысында қолдануға арналған «Еңбек қатынастары бойынша сұрақ - жауап», «Кәсіподақ қызметкерлерінің этикасы туралы ереже» методикалық кітапшалары үлестірілді.
Қызылорда облыстық білім және ғылым қызметкерлері кәсіподақ ұйымы
