ҮЗДІК ЛАБОРАНТ – 2022
Ақтөбе облысында алғаш рет Байғанин аудандық білім қызметкерлері кәсіподақ ұйымының ұйымдастыруымен мектеп лаборанттары арасында «Үздік лаборант - 2022» байқауы өтті.
Білім беру ұйымдарындағы лаборанттардың кәсіби біліктілігін арттыру, үздік мамандарды анықтау мақсатын діттеген сайысқа 15 лаборант қатысып, бақтарын сынады.
Нәтижесінде, А.Пушкин атындағы орта мектебінің лаборанты Тобыш Ержан бас жүлдені жеңіп алса, бірінші орынды Т. Жармағамбетов атындағы орта мектебінің лаборанты Жұматова Арайлым қанжығасына байлады. Жүлделі екінші орынды Жарқамыс орта мектебінің намысын қорғаған Қалданова Жаннұр иеленсе, үшінші орынды Қарауылкелді орта мектебінің лаборанты Сагизова Жаннат жеңіп алды. Қалған қатысушылар да өздерінің білімдері мен тәжірибелерінің жоғары деңгейде екенін көрсетіп, түрлі номинациялар бойынша Алғыс хаттарға ие болды.
Байқауға қатысушылар мен жеңімпаздарды Байғанин аудандық білім қызметкерлері кәсіподақ ұйымының төрағасы С.Дербісов құттықтап, сыйлықтарын тапсырды.
-
Фотографии
-
