ДӘСТҮРЛІ ТАМЫЗ КЕҢЕСІ ӨТТІ
Батыс Қазақстан облысында «Білім мен ғылым – елдің тұрақты дамуының кепілі» тақырыбында өңіріміздің білім беру саласы қызметкерлерінің тамыз конференциясы өтті.
Кеңес жұмысына облыс əкімі Ғ.Есқалиев, Ы.Алтынсарин атындағы Ұлттық білім академиясының, Назарбаев Зияткерлік мектептер дербес білім беру ұйымының, «BilimMediaGroup» компаниясының өкілдері, білім беру саласының ардагерлері, жоғары оқу орындарының ректорлары, Батыс Қазақстан облысының білім саласында сапаны қамтамасыз ету департаментінің, “Өрлеу” біліктілікті арттыру Ұлттық орталығы” АҚ филиалы өкілдері, Батыс Қазақстан облысы бойынша педагогикалық қызметкерлердің біліктілігін арттыру институтының басшылары, білім беру жəне ғылым қызметкерлерінің облыстық кəсіподақ ұйымының төрағасы, білім беру бөлімдерінің жəне оқу орындарының басшылары, мұғалімдер мен бұқаралық ақпарат құралдарының өкілдері қатысты.
Конференция барысында облыстың білім беру жүйесіндегі мəселелер, өңірдегі білім беру саласының қазіргі ахуалы талқыланып, оқушылар мен ұстаздардың жетістіктері атап өтілді.
Пленарлық мәжілістен соң үздік ұстаздар ҚР Білім және Ғылым Министрлігінің, қала басшысының, және Республикалық білім және ғылым қызметкерлерінің кәсіподағының Құрмет грамотасы, алғыс хатымен марапатталды.
Атап айтқанда, білім беру жүйесіндегі адал еңбегі мен ұстаздық міндетін абыроймен атқарып, сапалы білім берудегі жетістіктері және қоғамдық жұмыстарға белсене қатысқаны үшін, Білім және ғылым министрлігінің Құрмет грамотасымен Орал қалалық А.Байтұрсынов атындағы №10 ЖОББМ, математика пәні мұғалімі Р. Давлетова, «Білім және ғылым қызметкерлерінің кәсіподағына сіңірген еңбегі үшін» белгісімен, Орал қалалық А.Байтұрсынов атындағы №10 ЖОББМ директоры С. Кенжеков, Орал қалалық №36 ЖОББМ директоры А. Губашева, Орал қалалық №21 ЖОББМ директоры Л.Шаркубенова, Батыс Қазақстан облыстық білім және ғылым қызметкерлері кәсіподағының Құрмет грамотасымен Орал қалалық №5 ЖОББМ бастауыш кәсіподақ ұйымы төрайымы, кітапхана меңгерушісі Гүлсара Табенова, Орал қалалық №40 ЖОББМ бастауыш кәсіподақ ұйымы төрағасы, алғашқы әскери даярлық пәнінің мұғалімі Азамат Садыров марапатталып, сый-сияпаттар табыс етілді.
БҚО БІЛІМ ЖӘНЕ ҒЫЛЫМ ҚЫЗМЕТКЕРЛЕРІ КӘСІПОДАҒЫ
-
Фотографии
-
