«ҮЗДІК ТЕХНИКАЛЫҚ ИНСПЕКТОРЛАР» АНЫҚТАЛДЫ
Ағымдағы жылдың 18 маусым күні, Атырау облысы білім және ғылым қызметкерлерінің кәсіптік одағының ұйымдастыруымен аймақтағы білім беру мекемелеріндегі «Еңбекті қорғау жөніндегі үздік техникалық инспекторы» байқауы өтті. Байқаудың мақсаты – еңбек қауіпсіздігі және еңбекті қорғау жөніндегі ішкі бақылауды жүзеге асыру тиімділігін арттыру, жұмыс берушілердің ҚР Еңбек кодексінің талаптарына, ҚР «Кәсіп одақтар туралы» Заңына және өзге де нормативтік-құқықтық актілерге сәйкес қызметкерлердің қауіпсіз еңбек жағдайларына заңды құқықтары мен мүдделерін қадағалау, өндірістік жарақаттану мен кәсіптік ауруларды төмендету, техникалық инспекторлардың қызметін жетілдіру және ынталандыру болатын.
Байқау екі кезең бойынша өткізіліп, барлық қатысушылар бейнефильм, слайд және еңбек қауіпсіздігі мен еңбекті қорғау туралы заңнамасын білуге арналған тестілеуден өтті. Атырау облыстық мемлекеттік инспектор М.-Р. Ж. Халитов, Атырау индустриалды колледжісі директорының кәсіптік оқыту әдісі жұмыстары жөніндегі орынбасары Х.О. Тайпанов және облыстық ұйымның жауапты өкілдерінен құрылған Қазылар алқасы шешімімен төмендегі байқауға қатысушылар жеңімпаздар болып танылды.
«Атырау облысы білім және ғылым қызметкерлері кәсіптік одағының еңбекті қорғау жөніндегі үздік техникалық инспекторы» байқауға қатысқандары үшін Алғыс хаттармен және ақшалай сыйлықтармен келесі техникалық инспекторлар марапатталды:
- Жылыой ауданы Құлсары қаласы №1 орта мектебінің техникалық инспекторы Ілесова Гульжайнар Сағынбайқызы,
- Махамбет ауданы «Алтын ай» балабақшасының техникалық инспекторы Жұмағалиева Салиха Жайлыбайқызы,
- Исатай ауданы Абай атындағы мамандандырылған мектеп-интернатының техникалық инспекторы Жүгінісова Асылай Жаңабайқызы.
«Атырау облысы білім және ғылым қызметкерлері кәсіптік одағының еңбекті қорғау жөніндегі үздік техникалық инспекторы» байқауынан 3 орын алғаны үшін дипломмен және ақшалай сыйлығымен Атырау қаласы Х.Доспанова атындағы жалпы орта мектебінің техникалық инспекторы Койшыгулова Айман Болатқызы марапатталды.
«Атырау облысы білім және ғылым қызметкерлері кәсіптік одағының еңбекті қорғау жөніндегі үздік техникалық инспекторы» байқауынан 2 орын алғаны үшін дипломмен және ақшалай сыйлығымен Қызылқоға ауданы Тасшағыл орта мектебінің техникалық инспекторы Әжіғалиев Рахым Мақсотұлы
марапатталды.
«Атырау облысы білім және ғылым қызметкерлері кәсіптік одағының еңбекті қорғау жөніндегі үздік техникалық инспекторы» байқауынан 1 орын алғаны үшін дипломмен және ақшалай сыйлығымен Қ.Дүтбаева атындағы Атырау гуманитарлық колледжінің техникалық инспекторы Нұрберді Оразбай Дуйсебайұлы марапатталды.
Республикалық сайысқа Қызылқоға ауданы Тасшағыл орта мектебінің техникалық инспекторы Әжіғалиев Рахым Мақсотұлы мен Қ.Дүтбаева атындағы Атырау гуманитарлық колледжінің техникалық инспекторы Нұрберді Оразбай Дуйсебайұлылар баратын болды.
Атырау облысы білім және ғылым қызметкерлерінің кәсіптік одағы
-
Фотографии
-
