«ДАРЫНДЫ БАЛАЛАРҒА - ТАЛАНТТЫ ҰСТАЗ-2021» ОБЛЫСТЫҚ БАЙҚАУЫ
Қызылорда облыстық білім басқармасының 2021 жылғы 19 қаңтардағы №13-нқ/1 және Білім және ғылым қызметкерлері кәсіподағының облыстық комитетінің 2021 жылғы 26 қаңтардағы №18-нқ бірлескен шешімін жүзеге асыру мақсатында бүгін Қызылорда облыстық оқу орталығының (әдістемелік кабинет) базасында «Дарынды балаларға-талантты ұстаз-2021»
жас мамандар облыстық байқауы болып өтті.
Байқау мақсаты:
- жас педагог қызметкерлердің шығармашылық әлеуетін және өзін-өзі дамыту үшін жағдай жасау;
- білім беру жүйесін жетілдіруге жас мұғалімдердің белсенді кәсіби көзқарасын қалыптастыру;
- педагогикалық мамандықтың мәртебесін және беделін арттыру, жас педагогтардың әдістемелік деңгейін жетілдіру.
Облыстық кезеңге (аудан, қала) үздік деп танылған 10 жас маман қатысты.
Байқау 3 кезең бойынша өткізілді.
І кезең:
“Педагогикалық жағдаят”– педагогикалық тапсырмаларды аудитория жағдайында оқу материалдарымен, жаттығулармен, мәтіндік тапсырмалармен (сынып оқушыларымен) т.б. жұмыс барысында шеше білу;
ІІ кезең:
«Мамандығым – мақтанышым» Өзін-өзі таныстыру кезіңі (түрлі жанрда 5 минуттық таныстыру)
3-кезең
«Ұстазы жақсының ұстанымы жақсы» (ұйымдастырылған оқу іс әрекеті немесе ашық сабақтар)
Қазылар алқасының құрамында:
Амзеева Гүлнар Әсетқызы - Қорқыт ата атындағы Қызылорда Мемлекеттік университетінің педагогика және психология кафедрасының оқытушысы, педагогика ғылымдарының магистрі.
Абдраманова Қызжібек Сатыбалдықызы- Педагогикалық шеберлік орталығының Қызылорда қаласындағы филиалының аға менеджері.
Асқарова Жұлдыз Ғалымжанқызы - М.Мәметова атындағы Қызылорда педагогикалық жоғары колледжінің оқу әдістемелік кабинет меңгерушісі.
Байқау нәтижесі бойынша жүлделі орындарды иеленгендер:
І орын иегері – Мұстафа Нұрхан- Арал ауданы №2 ОДМИ математика пәнінің мұғалімі;
ІІ орын – Мұстафа Алтынбайбек- Арал ауданы №262 мектеп-гимназиясының математика пәнінің мұғалімі;
ІІІ орын – Жауғашарова Айдана- Қызылорда қаласы №198 орта мектебінің информатика пәнінің мұғалімі.
Жеңімпаз ұстаздар облыстық білім басқармасы мен білім кәсіподағының бірлескен дипломдарымен және кәсіподақ комитетінің сыйлықтарымен марапатталды.
Қызылорда облыстық білім және ғылым
қызметкерлері кәсіподақ комитеті
-
Фотографии
-
