ЕҢБЕК ҚАУІПСІЗДІГІ – БАСТЫ МҮДДЕ
Дүниежүзілік еңбекті қорғау күнін Ақтөбе облыстық білім және ғылым қызметкерлері кәсіподақ ұйымы да ескерусіз қалдырған жоқ. Еңбеккерлердің жұмыс орнындағы құқықтары мен еңбек қауіпсіздігінің сақталуын, лайықты еңбек ақы мен әлеуметтік кепілдіктер алуын қамтамасыз ету мақсатында 14-23 сәуір аралығында кәсіподақ ұйымының еңбек қауіпсіздігі жəне еңбекті қорғау жөніндегі маманы Нұрлан Жетпісбай Ақтөбе индустриалды-кәсіптік колледжі мен Ақтөбе Жоғары политехникалық колледжінде болып, аталған білім орындарының техникалық еңбек инспекторларымен және бастауыш кәсіподақ ұйымының төрағаларымен кездесу өткізді. Оқу орнының қызметкерлері мен білім алушыларына құқықтық кеңестер берілді.
Дүниежүзілік еңбекті қорғау күніне арналған шара Шалқар ауданында да ұйымдастырылды. «Дағдарыстың алдын ала білу және оған дайын болу - қазір еңбекті қорғаудың барабар жүйелеріне инвестициялау» тақырыбында өткен ақпараттық- түсіндіру жұмысына мектеп қызметкерлері қатысты.
№6 орта мектебінің бастауыш кәсіподақ ұйымының төрайымы Гүлшат Қыраубаеваның еңбек қауіпсіздігі мен еңбекті қорғау саласындағы негізгі бағыттардың бірі - еңбек қатынастарын реттеу, өндірістік жарақаттың алдын алу, еңбек заңнамасының орындалуын қадағалау екенін атап өтті. Тақырыпқа сәйкес бейнеролик көрсетіліп, қызметкерлер тарапынан қойылған сауалдарға жауап берілді.
Ал, №8 орта мектебінде өткен іс-шара барысында ұжым мүшелеріне қауіпсіздік ережелері мен Еңбек кодексінің негізгі баптары түсіндірілді. Сонымен қатар, Ойыл аудандық білім қызметкерлерінің кәсіподақ ұйымы жұмыс орындарында жазатайым оқиғалар мен аурулардың алдын алуға жәрдемдесу, сондай-ақ еңбекті қорғау мәдениетін қалыптастыру және насихаттау мақсатында шара өткізді. Ш.Бекмұхамбетова атындағы мектеп-гимназиясы және Ойыл аудандық оқушылар үйінің бастауыш кәсіподақ ұйымдарының бастамасымен ұйымдастырылған басқосуда ұжымдық шарттарда жұмысшының денсаулығы мен жұмысқа қабілеттілігін сақтау туралы баса айтылды. Оның жарқын дәлел і- бүгінгі таңда аудандық білім қызметкерлері кәсіподақ ұйымының тарапынан коронавирус инфекциясына шалдыққан кәсіподақ мүшелеріне қаржылай көмек көрсетіліп жатыр.
-
Фотографии
-
