КӘСІПОДАҚТАР – ЕҢБЕК АДАМЫ ҮШІН
Аягөз аудандық білім және білім қызметкерлері кәсіподақ комитетіне қарасты кәсіподақ ұйымдары табысты жұмыс атқарып келеді.Ең алдымен кәсіподақ ұйымдарының қызметі өзара түсіністік, ынтымақтастық және кәсіби жауапкершілік ахуалын жасау есебінен қолайлы әлеуметтік ахуалды қалыптастыруға және әлеуметтік кепілдіктердің тиімді жүйесін әзірлеуге бағытталған.
Білім қызметкерлерінің мүдделерін білдіретін және құқықтарын қорғайтын маңызды басты құжат Ұжымдық шарт болып табылады.2021-2023жылдарға арналған ұжымдық шарт Қазақстан Республикасының жаңа Еңбек кодексін,Білім туралы Заңды,Кәсіподақтар туралы заңды, «Педагог мәртебесі туралы» Заңды,ҚР-ның Үкіметі,жұмыс берушілердің республикалық бірлестіктері ( қауымдастықтары,одақтары) мен кәсіптік одақтардың республикалық бірлестіктері (қауымдастықтары,одақтары) арасындағы 2021-2023 жылдарға арналған Бас келісім, ,Салалық деңгейде білім және ғылым саласы қызметкерлері үшін еңбек жағдайын,жұмыспен қамтуды және әлеуметтік кепілдіктерді белгілеу жөніндегі 2021-2023жылдарға арналған ӘЛЕУМЕТТІК ӘРІПТЕСТІК ТУРАЛЫ САЛАЛЫҚ КЕЛІСІМ,облыстық келісімдерді ескере отырып әзірленді. Ауданда кәсіподақ комитетінің ұйымдастыруымен «ҰЖЫМДЫҚ ШАРТ –ҰЖЫМДАҒЫ ТҰРАҚТЫЛЫҚ КЕПІЛІ» атты қашықтан жиын өтіп кәсіподақ ұйымдарының көшбасшылары өз пікірлерін ортаға салып қызу талқыланып 12-ден астам өзгертулер мен толықтырулар енгізілді.
Адамның байлығы-қоғамның басты байлығы.Осы ұстанымнан да кәсіподақ ұйымдары қалыс қалған емес жылда еңбек демалысында білім қызметкерлері шипайжайларға барып денсаулықтарын түзеді. Биылғы наурыз айында «Мойылды», «Көктем», «Сары-Ағаш» санаторияларында бір топ ұстаздар демалып қайтты.
«Д.Бабатайұлы атындағы жалпы білім беретін орта мектеп» КММ карантин ережелерін сақтай отырып,жыл басынан мектептің кәсіподақ ұйымының ұйымдастыруымен жаңа-жыл мерекесіне ұжым мүшелеріне, ұжым мүшелері балаларына сыйлықтар табыстады, екі кіші қызметкерге 2қаржылай көмек көрсетілді. Халықаралық әйелдер күні қарсаңында төрт команда арасында «Көңілді старт» ойыны өткізіліп белсенділік көрсеткен қызметкерлергежәне әйелдер қауымына сый-сыйапат жасалды.Екі ұстазға аудандық кәсіподақ атынан ноутбук табысталды. Наурыз мерекесі санитарлық нормаға сәйкес аталып өтілді.
Сонымен қатар кәсіподақ комитетінің ұйымдастыруымен білім қызметкерлері арасында жылда дәстүрлі спартакиада өтеді.
Жүлдегерлер мен жеңімпаздар аудандық білім және ғылым беру қызметкерлері кәсіподақ комитетінің кубоктарымен,мақтау қағаздарымен, медальдарымен,бағалы сыйлықтарымен марапатталады.
Былтырғы 4 тоқсаннан бастап елімізде карантин жарияланғандықтан спорттық іс-шараларға шектеу қоюға тура келді. Дегенмен де,биылғы оқу жылында білім қызметкерлері арасында шағын футболдан ,Президенттік көпсайыстан, ұстаздар арасында танымдылық байқауы өткізілді.
Әр педагогикалық ұжымдағы кәсіподақ ұйымдарының жүйелі жұмыс жасап жатқан жұмыстары өте көп.Әсіресе мектеп әкімшілігі мен бастауыш кәсіподақ ұйымдарының тығыз байланысының арқасында мектептер мен балабақшаларда жүйелі жұмыстар атқарылуда.
Аягөз аудандық білім және ғылым қызметкерлері кәсіподақ комитеті
-
Фотографии
-
