"ЖАСАМПАЗДЫҚҚА ТОЛЫ ЖЫЛДАР"
2021 жылдың 20 наурыз күні Мұнайлы ауданы №12 жалпы білім беретін орта мектептің спорт залында Маңғыстау облыстық білім басқармасы мен Салалық білім және ғылым қызметкерлерінің кәсіптік одағы Маңғыстау облыстық ұйымының және Маңғыстау аймақтық дене тәрбиесі орталығының ұйымдастыруымен Қазақстан Республикасы Тәуелсіздігінің 30 жылдығына арналған "Жасампаздыққа толы жылдар" мерекесінің аясында Маңғыстау облысы білім саласындағы қызметкерлердің арасында Үстел теннисі және Ұлттық спорт Бес асықтан жарыстар болып өтті. Жарыстың барысында санитарлық талаптар толық сақталды.
Шараның алғашқы сөзі білім басқармасы басшысының орынбасары Е Қадировқа берілді. Ол Наурыз мерекесімен құттықтап, қатысушыларға сәттіліктер тіледі. Облыстық кәсіподақ ұйымының төрайымы Т.Баймбетова жарысты ашық деп жариялап, додада бақ сынаушыларға жеңіске жетуге тілектестік білдірді.
Жарысқа облыстық білім мекемелерінен 8 команда қатысты. Жарыстың нәтижесінде үстел теннисінен командалық есепте 3-орынды Болашақ колледжі командасы, 2- орынды Маңғыстау энергетикалық колледжі, чемпиондық атақты Жаңаөзен политехникалық колледжі иеленді.
Бес асық спорттық жарысы бойынша 3-орынды Болашақ колледжі, 2-орынды Туризм орталығы және чемпиондық атақты Жаңаөзен политехникалық колледжі командасы иеленді.
Жарыс жүлдегерлері мен жеңімпаздары грамота, медаль, диплом және кубоктармен марапатталды.
Салалық білім және ғылым қызметкерлері
кәсіптік одағы Маңғыстау облыстық ұйымы
-
Фотографии
-
