КҮН ТӘРТІБІНДЕ - ӘЛЕУМЕТТІК ӘДІЛЕТТІЛІК
Дүниежүзілік әлеуметтік әділеттілік күніне орай «Жезқазған аймақтық білім және ғылым қызметкерлерінің жергілікті кәсіптік одағы» ҚБ-нің «Жезқазған қалалық білім қызметкерлері кәсіптік одағының ұйымы» филиалының ұйымдастыруымен бастауыш кәсіподақ ұйымдарының төраға, төрайымдарының қатысуымен жиналыс өткізілді.
Карантиндік сақтық шараларын сақтай отырып өткізілген жиналысты «Жезқазған аймақтық білім және ғылым қызметкерлерінің жергілікті кәсіптік одағы» ҚБ төрағасы М.Қоңырбаев құттықтау сөзімен ашты. Өз сөзінде ол барлық сала қызметкерлерін «20 ақпан-Дүниежүзілік әлеуметтік әділеттілік күнімен» құттықтады. Бұл күннің қарапайым еңбек адамы үшін маңызы зор екенін, осы күнді ұлттық деңгейде әлеуметтілік әділеттілікті нығайтуға бағытталған іс-шараларды өткізуге арналатынын және бұл бағытта жұмыс істейтін негізгі құжаттардың бірі – Ұжымдық келісім шарт екенін баса айтты. Құттықтау сөз соңында Марат Сейілбекұлы бірқатар кәсіподақ ұйымының белсенділерін марапаттады.
«Жезқазған қалалық білім қызметкерлері кәсіптік одағының ұйымы» филиалының төрайымы Л.Кунедилова жиналысқа онлайн режимінде қатысып отырған қатысушыларды күн тәртібімен таныстырды. Жиналыста 2020 жылы атқарылған жұмыстың қорытындысы, 2021 жылдың жұмыс жоспарын, іс номенклатурасын, бюджетін бекіту туралы мәселелер қаралды.
Әлеуметтілік әділеттілік күні қарсаңында Қарағанды облысы білім басқармасының «Жезқазған қаласының білім бөлімі» ММ мен «Жезқазған аймақтық білім және ғылым қызметкерлерінің жергілікті кәсіптік одағы» ҚБ, «Жезқазған қалалық білім қызметкерлері кәсіптік одағының ұйымы» филиалының арасында 2021-2023 жылдарға жасалған Әлеуметтік әріптестік туралы Келісімге қол қойылды. Барлық білім беру ұйымдарында әлеуметтік-жергілікті мемлекеттік орган ретінде бір тараптан білім бөлімінің басшысы Жеңіс Әлмағанбетов, екінші тараптан Ләззат Күнеділова қол қойды. Тараптар осыған дейін қолданыста болған Келісімнің өз міндетін толық орындап шыққанын, яғни ұжымдық дау-дамайлардың алдын-алу, білім беру ұйымдарын қайта құру, оңтайландыру барысында қысқартуға ұшыраған қызметкерлерге өтемақы төлеу, өзге жұмысқа ауыстыру, еңбек қатынастары барысында туындаған түйткілдерді шешуге септік болғанын ерекше атап өтуге болады.
Тараптар 13 тарау, 14 қосымшадан тұратын келісім жобасын қабылдамас бұрын 5 отырысын өткізіп, құжат мазмұнын егжей-тегжейлі қарап, талқы таразысынан өткізді. Құжаттың негізгі мазмұны Еңбек кодексінен бастап барлық заңнамалық және нормативтік құқықтық актілерге сәйкес кәсіподақ мүшесі болып табылатын сала қызметкерлерінің әлеуметтік-еңбек құқықтары мен кәсіби мүдделерін қорғауға, оларға қосымша әлеуметтік-экономикалық, құқықтық және кәсіби кепілдіктер, жеңілдіктер мен атықшылықтар, оңтайлы еңбек жағдайларын жасауды көздейді.
Барша білім саласы қызметкерлері үшін құтты құжат саналатын Келісім «Қарағанды облысының жұмыспен қамтуды үйлестіру және әлеуметтік бағдарламалар басқармасы» ММ-де тіркеуден өткен соң, 2021 жылдың алғашқы тоқсанында аймақтағы барлық білім мекемелері мен ұйымдарында Келісімнің мазмұны мен артықшылықтарымен таныстыру, түсіндіру мақсатындағы кездесулер, оқу семинарлары өтетін болады.
«Жезқазған аймақтық білім және ғылымқызметкерлерінің жергілікті кәсіптік
одағы» ҚБ «Жезқазғанқалалық білім қызметкерлері кәсіптікодағының ұйымы» филиалы
-
Фотографии
-
