ЧЕСТВОВАНИЕ ВЕТЕРАНОВ
Жас ұрпақ тәрбиесіне барлық саналы ғұмырын арнаған ардагер ұстаздар зейнеткерлікке шыққан соң көңілден таса қалатыны жасырын емес. Сондықтан оларды барынша қадірлеп, еңбек жолдарын баспасөз беттерінде жан-жақты көрсету ісі де үлкен құрмет. «Қазақстандық салалық білім және ғылым қызметкерлері кәсіптік одағының Атырау облыстық ұйымы» ҚБ ағымдағы жылдың 4 желтоқсан күні аймақтың халық ағарту ісіне өлшеусіз үлес қосқан ардагерлерді ұлықтады. 70 жылдық мерейтойын атап өткен ардагер ұстаз Қ.Құмарованың шаңырағында болған облыстық Салалық ұйымның жетекшісі Қ.Сүндетұлы ұзақ жылғы еңбегі жоғары бағаланған ардагерге «Хиуаз Доспанова» атындағы медалді табыс етті.
Сол күні кәсіподақ белсенділері облыста «Атыраудың Жуковы» атағын иеленген ардагер ұстаз марқұм А.Сапаровтың шаңырағында болып, жолдасы Алма Есқазықызына да құрмет көрсетті.
«Ұстаздық еңбек»
